Istir 9:27 - Hanunuu

²⁷ nangarasunduan sida tanan manga Hudiyu kuntay kanda alalahanun inda pag duwa ka sirang timpu-timpu parihu sa sinabi ni Murdukyu, ag pinagkasunduan diman nida tupadun nida manga linahi hanggan tanan manga niabay bilang Hudiyu.

Istir 9:27 Iomraidhean Croise

Istir 8:17

Sa kada banwa ngatay purubinsiya naabut kasuguan hari, nagbarayaan gid masyadu ti manga Hudiyu ag nagpista sida. Ag aduk sa ati pag daga ti nagbaliw Hudiyu dahil sa kadalaan nida sa manga Hudiyu.

Istir 9:20

Isinurat ni Murdukyu ti tanan nangyari, ag nagpadara siya surat sa tanan Hudiyu una sa arani una sa ararayu pag manga purubinsiya sakup ni Hari Aswiru.

Istir 9:21

Sa inda pag surat, pagsabihun ni Murdukyu sa manga Hudiyu kailangan alalahanun nida ti ika-14 hanggan ti ika-15 pag sirang sa bulan Adar.

Istir 9:28

Inda pag duwa ka sirang kailangan alalahanun kada magtal-anakan Hudiyu sa kada linahi nida, sa tanan banwa hanggan purubinsiya. Danga inda pagkalimti ngatay pag-apasi una nida manga linahi.

Kanta 78:7

Sa siyun pag paraan sumarig sida sa Diyus ag balaw nida malimtan kay manga binwat bagkus ngap tupadun nida kay manga sugu.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 56:3

Danga pag-isipa manga day-uhan naghandug kanda sadili sa Panginuun kuntay balaw sida ipaamut Panginuun sa kay manga nasakupan. Danga diman pag-isipa manga tawu napalusa dahil udyi sida manganak, balaw yi sida mahimu ipaamut sa nasakupan Diyus.

Isayas 56:6

“Papaladan diman waydi niku ti manga day-uhan naghandug kanda sadili sa kangku hampay sirbihan aku, mahalun, sambahun, ag sundun kang pag-isugu sa Sirang Pamahari ag matinupadun sa kang kasunduan.

Isikil 16:61

Bag-u maalala nimu nu kabitay kanmu buruwatun sa kabag-u ag mangay-a kawu, lalu yi nu buwatun niku kanmu manga patar-ari babayi, ti Samarya ag Suduma, bumaliw kanmu manga anak, una balaw sida kaibahan sa kang kasunduan sa kanmu.

Sakaryas 8:23

Ag sa ati pag sirang, sampulu ka day-uhan ginan sa tuhay-tuhay pag manga nasyun iba-iba kay pamagaw ti pumakarani sa usa ka Hudiyu ag sumabi, ‘Gustu gid nimi kumuyug sa kanyu, dahil nadnugan nimi ti Diyus kaibahan niyu.’ ”

Bilang 15:15

Kamu pag manga Israilita hanggan ti manga day-uhan magpangulian kaibahan niyu parihu lang sa kang atubangan ag parihu lang pag kasuguan kanyu sundun. Inda pag surundanun kailangan tupadun niyu tugka sa sunud pag manga sinulput tawu.

Diyuturunumiyu 5:3

Balaw niya inda binuwat sa kanta manga ginurang bagkus ngap sa kanta tanan sa magkabuhi taynguna.

Huswi 9:15

Namwat si Huswi kasunduan sa kanda kuntay balaw nida sida unhun ngatay matyun. Ag nanumpa ti manga takinan manga nasakupan Israil sa tunda pag kasunduan.

Talaghusay 11:40

sa kada timpu, magpalibut-libut ti manga daraga Israil sa manga bantud ag magpanrukuan sa sulud upat ka sirang bilang pag-alaala sa anak babayi ni Hipti taga Gilyad.

1 Samwil 30:25

Inda pag surundanun binwat ni Dabid hampay sundun manga Israilita hanggan tugka kainda.