Istir 9:25 - Hanunuu

²⁵ Pat-ay pagka naalaman hari tunda paggayak sa panab-anan ni Rayna Istir, namasurat ti hari usa ka sugu kuntay ti daut pag gayak ni Haman laban sa manga Hudiyu kailangan buwatun ngap sa kanya. Ag binitay si Haman hanggan kay manga anak lalaki. Kainda ngani ti nangyari.

Istir 9:25 Iomraidhean Croise

1 Hari 8:32

patingihi nimu inda asan sa langit ag sintinsiyahi kanmu suruguun — ti magbangdan ag ti pagbangdanan. Parusahi ti nagkasala angay sa kay binwat, ag palpasi ti unman may kasalanan hampay miburayhaw unman siya nagsalan.

Istir 3:6

Lalu waya pagka naalaman niya siya maaw Hudiyu, kay inisip balaw lang si Murdukyu kay ipamatay nu unman tanan yi lang manga Hudiyu sa sakup kaharian ni Hari Aswiru.

Istir 7:10

Nakan binitay ngani nida si Haman ati sa kay ipinabwat matarum pag kayu para mana sa kan Murdukyu. Bag-u nadura ti pangagalit hari.

Istir 7:4

Dahil may itinaratu pirimyu sa manga tawu mumatay sa kanmi. Nu ipinabili kami hampay lang buwatun suruguun, pabay-anan yi lang niku, dahil balaw waydi tunda mahalaga para balagun waya niku kawu.”

Istir 7:5

Magkun si Hari Aswiru sa kanya, “Si unu ti pinmanghas binmuwat katunda pag tarabahu ag naan siya kainda?”

Kanta 140:8

Panginuun, danga pag-ayawan sa manga daut kanda manga pag hingbutun. Danga pagpahintuluti pumanalu kanda manga gayak, dahil barang manpadayaw-dayaw sida.

Kanta 140:9

Mana ti daut pag manga gayak masangputan sa kangku mangyari gid sa kanda.

Kanta 141:10

Mana ngani sida ngapu ti makasulun sa kanda sadili manga suduk, ag aku makaaman ati.

Kanta 7:17

Panginuun, pasalamatan niku kawu dahil sa kanmu katadlungan. Kantahan niku kawu manga pagdayaw, Kaabwat-abwatan pag Diyus.

Kanta 94:23

Parusahan nimu sida ag rurisun dahil sa kanda manga kasalanan. Rurisun gid nimu sida, Panginuun nimi Diyus.

Kabagawan 26:27

Ti magkutkut ukang hampay malagpak ti iba, siya ngap ti malagpak. Ti maglilid batu hampay malilidan ti iba, siya ngap ti malilidan.

Kabagawan 5:22

Ti buruwatun daut pag tawu imaw diman waydi ti sumuduk mismu kay sadili.

Isayas 22:25

Sa ati pag sirang, nu mayamu yi ti nakasad-ang sa kanya, malagpak siya ag magkarawayak ti tanan nakasad-ang sa kanya. Matupad ngani inda dahil aku, ti Panginuun, ti magsabi inda.’ ”

Ubadyas 1:15

“Balaw mana niyu binwat tunda sa Hirusalim, dahil arani yi ti sirang pagsintinsiya niku sa tanan nasyun. Nu hintay kanyu binwat sa iba, katida diman waydi kang buwatun sa kanyu. Nu kabitay kanyu nagkilala sa iba, katida diman waydi kang kumilala sa kanyu.

Matiyu 21:44

Una si unu nu malagpak tag sa babaw batu inda, marunut gid. Dapat una waydi hintay ti madugsakan mapisi.”

1 Samwil 25:39

Pagka nabaritaan ni Dabid kuntay namatay yi si Nabal, magkun siya, “Dayawun ti Panginuun! Siya ti nagbalus sa kan Nabal dahil sa kay pagpuya sa kangku. Balaw niya pinahintulutan aku waya ti makabuwat sa kanya tunda. Pinarusahan niya si Nabal sa daut niya pag binwat sa kangku.” Pagkatapus, nagpadara tultulanun si Dabid sa kan Abigil tabug kay paghilingun asawahun niya inda.