Istir 9:20 - Hanunuu

²⁰ Isinurat ni Murdukyu ti tanan nangyari, ag nagpadara siya surat sa tanan Hudiyu una sa arani una sa ararayu pag manga purubinsiya sakup ni Hari Aswiru.

Istir 9:20 Iomraidhean Croise

1 Krunika 16:12

Kamu pag manga pinili Diyus ag manga linahi ni Israil pag suruguun Diyus, imaw diman si Hakub, alalahana niyu kay lilingutan pag manga binwat, hanggan ti manga makadululaw, ag kay manga pagparusa.

Istir 1:1

May usa ka hari sa Pirsiya kay ngaran si Aswiru. Ati siya pag mag-uli sa kay balay hari sa may alad batu sa may daka pag banwa Susa. Kay sakup niya 127 ka purubinsiya ginan sa Indiya tugka sa Itiyupya.

Istir 1:22

Ipinasurat niya inda ag ipinadara sa tanan purubinsiya sakup kaharian niya angay sa kanda sadili manga pamagaw. Ti pagsabihun ati sa surat ti lalaki imaw gid ti dapat pumangulu sa kanda magtal-anakan.

Istir 3:12

Nakan ati katpung sa ika-13 pag sirang sa un-an pag bulan, ipinatawag ni Haman ti tanan manga manugsurat hari. Nagpabuwat siya surat sa kanda para sa manga gubirnadur purubinsiya, sa manga banwa hanggan sa iba waya pag manga takinan sa buu kaharian, sa kanda sadili pamagaw. Ti surat binwat sa ngaran ni Hari Aswiru ag tinatakan singsing.

Istir 8:9

Nakan katpung ika-23 sa ikatlu pag bulan Siban, ipinatawag ti manga manugsurat hari. Isinurat nida ti tanan sinabi ni Murdukyu. Tunda pag surat para sa manga Hudiyu, sa manga gubirnadur, sa manga miyur-banwa, ag sa iba waya pag manga suruguun hari sa 127 ka purubinsiya, ginan sa Indiya tugka sa Itiyupya. Isinurat inda sa kada pamagaw tawu sa buu kaharian, hanggan diman sa pamagaw Hudiyu.

Istir 9:19

Inda ginan kay umpisa nakan ti manga Hudiyu sa manga purubinsiya magdaus pista sa ika-14 pag sirang sa bulan Adar. Sa tunda pag sirang, mag-arayawan sida manga pamakaun.

Istir 9:21

Sa inda pag surat, pagsabihun ni Murdukyu sa manga Hudiyu kailangan alalahanun nida ti ika-14 hanggan ti ika-15 pag sirang sa bulan Adar.

Istir 9:26

Inda kay dahilan nakan kanda pag-alalahanun pag pista kay ngaran Purim. Ginan sa bagaw “Pur”, kay kahulugan lunggungan. Ag dahil sa kan Murdukyu surat ag angay sa kanda nalakawan,

Istir 9:27

nangarasunduan sida tanan manga Hudiyu kuntay kanda alalahanun inda pag duwa ka sirang timpu-timpu parihu sa sinabi ni Murdukyu, ag pinagkasunduan diman nida tupadun nida manga linahi hanggan tanan manga niabay bilang Hudiyu.

Istir 9:29

Hampay lalu waya mapag-un kay surat ni Murdukyu angay sa Pista Purim, nanurat diman si Rayna Istir kay anak ni Abihail, tungkul siyun tapil sa kagustuhan kahim-ungan ag kahusayan tanan manga Hudiyu.

Pag-ighit 17:14

Pagkatapus, magkun ti Panginuun sa kan Muysis, “Isurat duy nimu inda hampay balaw malimtan ag ipaalam nimu sa kan Huswi kanmu isinurat: Tabuhun gid niku ti lahi manga Amalikita.”

Hirimyas 29:1

Ginan sa Hirusalim, sinmurat si Hirimyas sa manga manugpamahala, sa manga manughandug, sa manga purupita, ag sa iba waya pag manga dinara bihag ni Nabukudunusur sa Babilunya.