Istir 9:13 - Hanunuu

¹³ Magkun si Istir, “Mahal Hari, nu gustu duy nimu, pasnui waya nimu maapinan manga Hudiyu kanda sadili tugka aldaw pag sirang, ga kanda diman pagbuwatun taynguna. Ag ibitin sa kayu ti manga bangkay sampulu ka anak ni Haman.”

Istir 9:13 Iomraidhean Croise

2 Samwil 21:6

Nakan pakan-an nimu sa kanmi ti pitu ka lalaki ginan sa kay linahi, dahil matyun nimi sida ag pabay-anan kanda bangkay sa may arani pagsambahan sa Panginuun pag rugar ati sa Gibiya, kay banwa tunda ni Saul ti pinili Panginuun pag hari.” Magkun ti hari, “Hu, ipakaun niku sida sa kanyu.”

2 Samwil 21:9

Ipinakaun ni Dabid sida sa manga Gibyunita, ag pinanmatay sida pitu ati sa bantud arani sa rugar pagsambahan sa atubangan Panginuun. Pinabay-anan lang nida ati ti manga bangkay. Nangyari inda katpung mag-umpisa di waya ti aranihan sibada.

Istir 8:11

Angay sa tunda pag surat, pinakan-an pahintulut ti tanan manga Hudiyu manmirinsanan ag apinan kanda sadili. May karampatan sida mumatay una sa kantapu nu mag-unuunu sa kanda ti ginan sa iba nasyun ngatay purubinsiya. Pagpahintulutan diman sida bum-ul kasiyunan nida manga kalaban.

Istir 9:14

Nakan nagsugu ti hari kuntay buwata ti paghilingun ni Istir. Ipinaalam sa manga taga Susa ti sugu hari ag ipinakaun ti sampulu ka bangkay manga anak ni Haman.

Istir 9:15

Pagka sa surip, sa ika-14 pag sirang sa bulan Adar, nagmirinsanan maan ti manga Hudiyu sa Susa ag nakamatay waya sida 300 lalaki. Dapat unman diman sida nag-apu manga kasiyunan nida manga kalaban.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Diyuturunumiyu 21:23

kailangan danga maabutan surip ti bangkay ati sa kayu. Kailangan ilbung niyu inda sa tunda diman pag sirang, dahil una si unu ti ibinitin sa kayu sinaadan Diyus. Danga niyu pag-uringi ti pag-ipakaun Panginuun niyu Diyus pag daga sa kanyu bilang mana niyu.