Istir 8:3 - Hanunuu

³ Kas-a waya napakarani si Istir sa kan Hari Aswiru maluhudan ag maglumi sa kay atubangan. Pagpamuhunun niya danga yi pagpararguhan ti daut pag gayak ni Haman usa ka Agagiyu laban sa manga Hudiyu.

Istir 8:3 Iomraidhean Croise

2 Hari 4:27

Dapat pagras-ug niya sa kan Ilisyu sa bantud, linmuhud siya ag hiniyaptan niya kay lulud ni Ilisyu. Nagpakarani si Gihasi hampay guyudun siya atag sa arayu, dapat magsabi si Ilisyu, “Pabay-ani lang siya! Pihu may kakurian siya, dapat unman may sinabi ti Panginuun sa kangku nu hayga.”

Istir 3:1

Siyun ginan pag manga nangyari, inabwat ni Hari Aswiru ti katungkulan ni Haman kay anak ni Hamidata usa ka Agagiyu. Binwat siya pinagkatakinan sa kay kaharian.

Istir 7:4

Dahil may itinaratu pirimyu sa manga tawu mumatay sa kanmi. Nu ipinabili kami hampay lang buwatun suruguun, pabay-anan yi lang niku, dahil balaw waydi tunda mahalaga para balagun waya niku kawu.”

Istir 8:2

Bin-ul hari kay singsing pantatak, binawi niya ginan sa kan Haman, bag-u kay ipinakaun sa kan Murdukyu. Ag siya ti binwat kaawat ni Istir sa tanan kasiyunan ni Haman.

Istir 8:4

Itinudlu hari kay sugkud gintu sa kan Istir, nakan tinmindug siya sa atubangan hari ag magkun, “Nu ungud kawu magbaya sa kangku, Mahal Hari, ag nu para sa kanmu tama ag matadlung inda, gustu mana niku pagbuwat kawu usa ka kasuguan hampay pabul-an halaga ti ilinantad pag barita ni Haman, kay anak ni Hamidata, kuntay matyun ti tanan manga Hudiyu sa kanmu kaharian.

Isayas 38:2

Pagka nasaydan inda ni Isikyas, napasrangu siya sa lingub ag nandarangin sa Panginuun.

Husyas 12:4

sa panab-anan usa ka anghil, ag nanalu siya. Maglumi siya habang maghagad papalad sa anghil. Nakitan niya ti Diyus sa Bitil, bag-u ati naghampang sa kanya ti Diyus.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.

1 Samwil 25:24

Magkun siya, “Magpakisuyu duy aku, patingihi niyu aku. Pag-akuun duy niku ti salan niku asawa.