Istir 8:2 - Hanunuu

² Bin-ul hari kay singsing pantatak, binawi niya ginan sa kan Haman, bag-u kay ipinakaun sa kan Murdukyu. Ag siya ti binwat kaawat ni Istir sa tanan kasiyunan ni Haman.

Istir 8:2 Iomraidhean Croise

Gimpuunan 41:42

Linapsu rargu hari kay singsing pantatak ag ipinasulung sa ituturu ni Husi. Pinasulungan diman niya si Husi rutay buwat sa linu hanggan gintu pag unu.

Istir 10:2

Nakasurat di sa Ribru Tultulanun Hari Midya ag Pirsiya ti kapangyarihan ni Hari Aswiru hanggan ti tanan niya binwat, una kay nagpakaun katungkulan sa kan Murdukyu hanggan ti daka pag kadayawan kay iinayaw niya sa kanya.

Istir 3:10

Pagkatapus, bin-ul hari kay singsing pantatak, bag-u ipinakaun sa kan Haman kay anak ni Hamidata usa ka Agagiyu, ti kalaban manga Hudiyu.

Istir 8:3

Kas-a waya napakarani si Istir sa kan Hari Aswiru maluhudan ag maglumi sa kay atubangan. Pagpamuhunun niya danga yi pagpararguhan ti daut pag gayak ni Haman usa ka Agagiyu laban sa manga Hudiyu.

Kanta 37:34

Pagsarig kawu sa Panginuun ag sunda kay kagustuhan, ag pagdayawun niya kawu dahil parargu niya kawu patahanun sa daga Israil. Makitan nimu nu palayasun yi ti manga daut sa tunda pag daga.

Danyil 2:48

Bag-u inayawan hari si Danyil mayamu mararinu pag manga pamakaun. Bag-u ipinauli diman niya siya sa abwat pag katungkulan bilang takinan sa buu banwa Babilunya ag takinan tanan manga madunung ati.

Lukas 15:22

Dapat magkun kay ama sa kay manga panawuhun, ‘Dali! Bul-a ati pag rutay ti mayad gid sa tanan, kanyu ipasulung sa kanya bag-u paulii singsing kay ituturu hanggan manga lapak sa kay lulud.