Istir 8:17 - Hanunuu

¹⁷ Sa kada banwa ngatay purubinsiya naabut kasuguan hari, nagbarayaan gid masyadu ti manga Hudiyu ag nagpista sida. Ag aduk sa ati pag daga ti nagbaliw Hudiyu dahil sa kadalaan nida sa manga Hudiyu.

Istir 8:17 Iomraidhean Croise

Gimpuunan 35:5

Igu magginan yi sida ni Hakub, dinurnan kadalaan ginan sa Diyus ti manga tawu sa palibut manga banwa, nakan unman nida linagas sida ni Hakub.

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Istir 9:19

Inda ginan kay umpisa nakan ti manga Hudiyu sa manga purubinsiya magdaus pista sa ika-14 pag sirang sa bulan Adar. Sa tunda pag sirang, mag-arayawan sida manga pamakaun.

Istir 9:2

Sa ati pag sirang, nagmirinsanan ti manga Hudiyu sa kanda manga banwa ag purubinsiya sakup ni Hari Aswiru hampay matyun una si unu ti pumanghas mumatay sa kanda. Dapat unman waydi may nagpanghas dahil dala sa kanda ti manga tawu.

Istir 9:22

Inda hampay alalahanun ti sirang nida karibrihan sa kanda manga kalaban, ti karukuan nida nabalyuhan kasulungan ag ti lulumian nabalyuhan kabayaan. Nakan sinabi sa kanda ni Murdukyu sa surat kailangan pagdaus sida pista, pagbaya sa tunda pag sirang, ag pag-arayawan manga pamakaun sa kada usa lalu sa manga makuri kay kahamtangan.

Istir 9:27

nangarasunduan sida tanan manga Hudiyu kuntay kanda alalahanun inda pag duwa ka sirang timpu-timpu parihu sa sinabi ni Murdukyu, ag pinagkasunduan diman nida tupadun nida manga linahi hanggan tanan manga niabay bilang Hudiyu.

Istir 9:3

Binaliwahan waya sida manga takinan manga purubinsiya, ag manga gubirnadur, ag iba waya pag suruguun hari sa kada rugar dahil magkadala diman sida sa kan Murdukyu.

Kanta 105:38

Nakabaya ti manga taga Ihiptu sa pag-ighit manga Israilita, dahil magkadala sida sa kanda.

Kanta 18:43

Irinibri nimu aku sa manga maglaban niku pag nasakupan. Binwat nimu aku takinan manga nasyun. Ti manga taga iba rugar magsirbi sa kangku.

Pag-ighit 15:16

Tutuu, dalaun gid sida. Sa panab-anan nimu bantug pag kamaskihan, bumaliw sida ga batu unman makatandug, tugka sa makalawuy kanmu irinibri pag nasakupan, Panginuun.

Diyuturunumiyu 11:25

Unman may makaampara sa kanyu. Angay sa itinaratu sa kanyu Panginuun niyu Diyus, madala sa kanyu ti manga tawu una naan pag rugar kanyu atagan sa tunda pag daga.

Diyuturunumiyu 2:25

Taynguna ginan pag sirang, ipahintulut niku madala sa kanyu ti tanan nasyun sa buu kalibutan. Takigan sa dala ti makadnug tungkul sa kanyu.’

Huswi 2:11

Nadala kami pagka nabaritaan nimi inda ag naduraan kabisugan ti kada usa sa kanmi dahil sa kanyu. Dahil ti Panginuun niyu Diyus imaw ti Diyus sa langit hanggan sa daga.

Huswi 2:9

magkun sa kanda, “Alam niku ipinakaun Panginuun sa kanyu inda pag daga ag masyadu gid magkadala sa kanyu ti manga tawu atay.

1 Samwil 25:8

Paingan-a nimu sida ag sabihun nida kay tutuu. Taynguna, magpakihampang aku pakakitan nimu kaayadan kang manga tawuhan, dahil pista taynguna. Pag ga kanmu anak aku ag kang manga panawuhun pag ga kanmu diman panawuhun; pakan-an sa kanmi una hintay kanmu gustu ipakaun sa kanmi.”