Istir 8:15 - Hanunuu

¹⁵ Pagka linmuwas Si Murdukyu sa balay hari, nakasulung siya rutay hari malagti ag malatuy bag-u nakakulimpay rutay linu kulay dungun, ag may kuruna gintu sa kay ulu.

Istir 8:15 Iomraidhean Croise

Gimpuunan 41:42

Linapsu rargu hari kay singsing pantatak ag ipinasulung sa ituturu ni Husi. Pinasulungan diman niya si Husi rutay buwat sa linu hanggan gintu pag unu.

Istir 1:6

Pinarinuan ti gardin kulay malagti hanggan malatuy pag limbun may higut linu kulay dungun. Bag-u itinakud sa kaw-it pilak sa manga tulduk marmul. Kay manga tukawan gintu di hanggan pilak, kay waydi salug inda may manga parinu musaik binwat ginan sa bubug, marmul, kapis ag may iba waya mahalaga pag manga batu.

Istir 10:2

Nakasurat di sa Ribru Tultulanun Hari Midya ag Pirsiya ti kapangyarihan ni Hari Aswiru hanggan ti tanan niya binwat, una kay nagpakaun katungkulan sa kan Murdukyu hanggan ti daka pag kadayawan kay iinayaw niya sa kanya.

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

Istir 5:11

Ipinayabang niya sa kanda kay kasiyunan hanggan kay manga anak, hanggan ti tanan ipinakaun hari pag katungkulan sa kanya, ti pinakaabwat pag katungkulan sa tanan takinan ag sa iba waya pag manugsirbi hari.

Istir 6:11

Nakan bin-ul ngani ni Haman ti rutay hari bag-u ipinasulung sa kan Murdukyu, ipinasakay sa kabayu hari ag ipinalibut sa banwa habang magringgit si Haman, “Inda ti pagbuwatun hari sa tawu pagkilalahun.”

Istir 6:8

Ipab-ul nimu ti usa sa kanmu manga rutay panhari kay nisulung yi, bag-u ti usa sa kanmu pag sakyan pag kabayu may tanda hari kay ulu.

Istir 8:14

Nakan angay sa sugu hari, madali ginminan ti manga tagadara surat masakayan sa marabisug pag kabayu hari. Inda pag sugu ipinakalat diman sa buu banwa Susa.

Kabagawan 11:10

Maghuruyawan sa kabayaan ti manga mag-uli sa usa ka banwa nu pagpapaladan ti manga matadlung ag katunda diman nu magkaramatay ti manga daut pag tawu.

Kabagawan 28:12

Nu manga matadlung ti pumanguna, magbarayaan ti manga tawu, dapat nu manga daut ti pumanguna, magpatagu sida.

Kabagawan 29:2

Nu manga matadlung ti pumanguna, magbarayaan ti manga tawu; dapat nu manga daut yi ti pumanguna, magpanruku gid sida.

Matiyu 11:8

Hintay ngani kanyu hinanap? Nanduaw lang aw kamu sa tawu marinu kay rutay? Ti may manga rutay marinu kabay sa ulian di manga hari.

Matiyu 6:29

Dapat kang pagsabihun sa kanyu, una paman si Sulumun unman nakasulung magilang-gilang parihu sa busang ilamnun madi masyadu marinu kay manga rutay.

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.