Istir 6:4 - Hanunuu

⁴ Nitpung waydi ati pag udas, magsaka si Haman sa may sabian hari hampay hilingun sa hari kuntay bitayun si Murdukyu sa matarum pag kayu kay ipinabwat. Nagpaingana ti hari, “Si unu asan sa sugkadan?”

Istir 6:4 Iomraidhean Croise

Istir 4:11

“Alam tanan sa buu kaharian una si unu ti pumakarani sa hari sa sugkadan turukawan, lalaki man ngatay babayi, balaw pagpatawagun pihu gid matyun, purya lang nu itudlu hari kay sugkud gintu sa tunda pag tawu. Ag usa yi aku ka bulan balaw pag patawagun hari.”

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

Istir 5:14

Magkun sa kanya kay asawa hanggan kay manga kakilala, “Hayga kawu unman magbuwat matarum pag kayu, 50 ka luk-an siku kay abwat. Bag-u aldaw surip, hilingun nimu sa hari kuntay tuhugan siyun si Murdukyu hampay makabaya kawu kaibahan ti hari sa inalistu pag yapun.” Nagustuhan inda ni Haman nakan rargu kay ipinabwat tunda.

Istir 6:3

Sa ati pagnabasa, nagpaingana ti hari, “Unu pag pirimyu ngatay parangal ti binwat ngatay ipinakaun sa kan Murdukyu dahil sa mayad niya pag binwat sa kangku?” Magkun ti suruguun hari, “Unman duy, Mahal Hari.”

Istir 6:5

Sinmagut ti manga suruguun hari, “Si Haman duy.” Magkun ti hari, “Paataytaga nimu siya.”

Istir 7:9

Magkun si Harbuna, ti usa sa manga suruguun hari, “Namabuwat duy si Haman matarum pag kayu hampay tuhugun si Murdukyu, ti nagribri sa buhi hari. Kay abwat pag kayu 50 ka luk-an siku ag arani inda sa kay balay ni Haman.” Bag-u nagsugu ti hari, “Ati niyu pag bitaya si Haman.”

Hub 5:13

Pagsudkun niya ti madunung sa kanda kayabangan, ag pag-amparahun ti gayak manga maradaya.

Kanta 2:4

Dapat pagkasarin-an lang sida Panginuun matukawan sa kay turukawan ati sa langit.

Kanta 33:19

Pag-iribri sida sa kamatayan ag sa udas kalun-usan pag-alagaan niya kanda buhi.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.