Istir 6:3 - Hanunuu

³ Sa ati pagnabasa, nagpaingana ti hari, “Unu pag pirimyu ngatay parangal ti binwat ngatay ipinakaun sa kan Murdukyu dahil sa mayad niya pag binwat sa kangku?” Magkun ti suruguun hari, “Unman duy, Mahal Hari.”

Istir 6:3 Iomraidhean Croise

Gimpuunan 40:23

Dapat unman gid siya naala-ala takinan manga manugsirbi irinmun.

1 Krunika 11:6

Magkun si Dabid, “Una si unu ti umuna sa paggira sa manga Hibusiyu piliun kumandir manga sundalu.” Si Huab kay anak ni Siruya imaw ti nag-una sa paggira. Nakan siya ti pinili kumandir.

Istir 6:2

Nabasa ngap ti tultulanun tungkul sa nasulayan ni Murdukyu sa gayak nida ni Bigtana ni Tiris sa pagmatay sa kan Hari Aswiru. Sida ni Bigtana ni Tiris ti takinan hari. Sida ti guwardiya sabian sulud-sulud hari.

Istir 6:4

Nitpung waydi ati pag udas, magsaka si Haman sa may sabian hari hampay hilingun sa hari kuntay bitayun si Murdukyu sa matarum pag kayu kay ipinabwat. Nagpaingana ti hari, “Si unu asan sa sugkadan?”

Manugtudlu 9:15

Sa tunda pag banwa may usa ka lalaki madunung dapat pugri siya. Mahimu mana niya iribri ti banwa sa panab-anan niya kadunungan dapat unman may nakaimatuun sa kanya.

Danyil 5:16

Dapat nabaritaan niku madunung kawu mag-alam manga kahulugan, ag kaya diman nimu alamun ti manga makuri pag manga kakurian. Bag-u nu mabasa nimu tunda pag nisurat ag mitultul kay kahulugan tunda, parutayan niku kawu panrutayun hari ag paunuan gintu. Ag buwatun niku kawu ikatlu sa pinakaabwat pag takinan sa kang kaharian.”

Danyil 5:29

Pagkatapus bagaw ni Danyil, nagsugu si Bilsasar kuntay pasulungi si Danyil panulungun hari pag rutay ag paunui gintu. Bag-u ibinantala si Danyil bilang ikatlu sa pinakaabwat pag manugpamahala sa kaharian Babilunya.

Danyil 5:7

Nakan nagringgit siya tawaga ti madunung pag manga tawu sa Babilunya: ti manga pandaniwan, ti manga manughula, hanggan ti manga tihulan. Pagka rinmas-ug sida, magkun siya sa kanda, “Nu si unu ti makabasa tunda sa nakasurat ag makatultul kay kahulugan, parutayan niku panrutayun hari ag paunuan gintu. Bag-u buwatun niku ikatlu siya sa pinakaabwat pag takinan sa kang kaharian.”