Istir 6:12 - Hanunuu

¹² Igu natapus, binmalik maan si Murdukyu sa sabian balay hari. Si Haman waydi susun nuli may pahamung kay uyahun dahil sa kay-a ag daka pag isug.

Istir 6:12 Iomraidhean Croise

2 Samwil 15:30

Maglumi magtukad si Dabid sa Bantud Ulibu. Unman siya may lapak maglakaw, ag may talukmung kay ulu dahil sa kay karukuan. May talukmung diman kay manga kaibahan ag maglumi habang magtukad.

2 Samwil 17:23

Pagka naalaman ni Ahitupil balaw sinunud kay patigayun, sinmakay siya sa kay asnu ag nuli sa kanda banwa. Igu nakapatayak siya manga bilin sa kay magtal-anakan, nangugut siya. Ilinbung siya sa may kalubngan niya ama.

1 Hari 20:43

Nuli maruku ag magkaisug ti hari Israil sa kay balay hari sa Samarya.

1 Hari 21:6

Sinmagut siya, “Sinabi niku sa kan Nabut kuntay bilihun niku kay taranuman ubas ngatay nu gustu niya ilisan niku inda mas marinu pag taranuman ubas, dapat unman siya nagpasnu.”

2 Krunika 26:20

Pagka nakitan ni Asariyas ag kaibahan niya manga manughandug tinubuan panakitun sa lukub ag bangas ni Usyas, nag-apura sida ipalwas inda. Unman waydi nagbugya dahil nadamdaman niya siya pinarusahan Panginuun.

Istir 2:19

Pagka sa ikadwa yi pagtiripun manga daraga, si Murdukyu usa yi ka takinan manugbantay sa sabian balay hari.

Istir 6:11

Nakan bin-ul ngani ni Haman ti rutay hari bag-u ipinasulung sa kan Murdukyu, ipinasakay sa kabayu hari ag ipinalibut sa banwa habang magringgit si Haman, “Inda ti pagbuwatun hari sa tawu pagkilalahun.”

Istir 7:8

Pagka nagbalik ti hari gin sa halamanan, natakdan niya madapaan si Haman sa atubangan igyaan ni Istir magpaawa-awa. Nakan magkun ti hari, “Duy, gustu waya banta lugusun nimu ti rayna sa sulud balay hari niku.” Pagkalawuy bagaw hari, rargu dinakup si Haman manga tanud sa balay hari. Ag tinaungan kay ulu niya.

Hub 20:5

ti kabayaan daut pag manga tawu ngalay lang. Ungud, unman magdugay ti kabayaan manga tawu balaw maka-diyus.

Hub 9:24

Ipiniyar niya ti kalibutan sa manga daut. Pagtakluban niya ti manga mata manughusay hampay balaw humusay sa hustu. Nu balaw siya ti magbuwat inda, si unu waya nguna?

1 Samwil 3:15

Naturug si Samwil tugka surip, ag binukasan niya ti sabian Turda Taragbuan Panginuun. Magkadala siya magtultul sa kan Ili kay pangakakitun.