Istir 6:11 - Hanunuu

¹¹ Nakan bin-ul ngani ni Haman ti rutay hari bag-u ipinasulung sa kan Murdukyu, ipinasakay sa kabayu hari ag ipinalibut sa banwa habang magringgit si Haman, “Inda ti pagbuwatun hari sa tawu pagkilalahun.”

Istir 6:11 Iomraidhean Croise

Isra 6:13

Sinunud gid nida ni Gubirnadur Tatinay, ni Sitar Businay, hanggan nida manga kaibahan ti sugu ni Hari Daryu.

Istir 6:10

Magkun ti hari sa kan Haman, “Malu, ipab-ul nimu ti usa sa manga rutay hanggan kabayu niku, bag-u buwata nimu sa kan Murdukyu usa ka Hudiyu ti tanan nimu sinabi, ti matukawan sa sabian niku balay hari. Pihua gid matupad nimu ti tanan nimu sinabi.”

Istir 6:12

Igu natapus, binmalik maan si Murdukyu sa sabian balay hari. Si Haman waydi susun nuli may pahamung kay uyahun dahil sa kay-a ag daka pag isug.

Istir 8:15

Pagka linmuwas Si Murdukyu sa balay hari, nakasulung siya rutay hari malagti ag malatuy bag-u nakakulimpay rutay linu kulay dungun, ag may kuruna gintu sa kay ulu.

Istir 9:3

Binaliwahan waya sida manga takinan manga purubinsiya, ag manga gubirnadur, ag iba waya pag suruguun hari sa kada rugar dahil magkadala diman sida sa kan Murdukyu.

Kabagawan 27:18

Nu alagaan nimu ti puun igus, makakaun kawu kay burak. Katunda diman nu alagaan nimu kanmu amu, parangalan kawu niya.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Lukas 1:52

Kay binahasan katungkulan ti manga hari, Ag itinaas ti manga unman may kangaranan.

Ipinakakit 3:9

Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.