Istir 5:4 - Hanunuu

⁴ Magkun si Istir, “Mahal Hari, nu mahimu sa kanmu, pagban-awan niku kawu hanggan si Haman sa inalistu niku pag yapun para sa kanyu.”

Istir 5:4 Iomraidhean Croise

Gimpuunan 27:25

Magkun si Isaak, “Malu, daraha sitay tabug kanmu tinama ginan sa kanmu iniduan, pagkatapus niku kaun bag-u di niku kawu papaladan.” Nakan pinakan-an siya ni Hakub karan-unun hanggan irinmun, ag kinmaun ngani siya ag nanginum.

Gimpuunan 32:20

Ag pinaandaman niya sida danga magkalimut magsabi sa kan Isaw kuntay magdasun siya sa uryan. Magkumun si Hakub sa kay sadili, “Pakan-an niku si Isaw manga pamakaun inda kang ipauna. Ag nu mansarampakan kami, barang patawadun yi niya aku.”

Istir 1:9

Habang mag-alistu ti manga lalaki pag manga bisita, nag-alistu diman karan-an si Rayna Basti para sa manga babayi pag manga bisita ati sa balay hari ni Hari Aswiru.

Istir 5:3

Nagpaingana ti hari sa kanya, “Unu kanmu kailangan Mahal pag Rayna? Sabiha nimu ag iayaw niku sa kanmu una ti katunga niku kaharian.”

Istir 5:5

Magkun ti hari sa kay manga suruguun niya, “Tawaga niyu si Haman hampay sundun nimi kay gustu ni Istir.” Nakan rargu nag-ati ti hari hanggan si Haman sa inalistu yapun ni Istir.

Istir 5:8

Nu ungud gid waydi kawu magbaya sa kangku, ag gustu nimu ipakaun kang paghilingun, kas-a waya niku kawu pagban-awan hanggan si Haman sa ialistu niku pag yapun para sa kanyu aldaw. Ag bag-u di niku sabihun kang paghilingun sa kanmu.”

Kanta 112:5

Papaladan ti tawu maraayaw ag marapaudam, ag unman magdaya sa kay karabuhian.

Kabagawan 29:11

Ti kurang kay intindi pag tawu unman makapigil sa kay pangagalit, dapat ti madunung pag tawu makapigil di sa kay sadili.

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.