Istir 4:16 - Hanunuu

¹⁶ “Paglakaw yi kawu, tipuna nimu ti tanan Hudiyu atay sa Susa ag danga kamu maghandum karan-unun para sa kangku. Danga kamu magkaun ngatay mag-inum danum sa sulud 3 ka sirang. Aku hanggan kang manga suruguun babayi unman diman manhandum karan-unun. Pagkatapus, atabug aku sa hari una labag sa kasuguan hari. Ag nu matyun aku, nakaalistu di aku mamatay.”

Istir 4:16 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 43:14

Mana tandugun Makamaskihan pag Diyus ti tagipusuun gubirnadur hampay maawa siya sa kanyu ag iuli niya sa kanyu si Simyun ag si Binhamin. Dapat nu unman sida makabalik, tanggapun yi lang niku maluag sa kang tagipusuun.”

2 Samwil 10:12

Pagpakatatag kamu! Manlaban kita sa buu nita kabisugan para sa kanta manga nasakupan hanggan sa manga banwa nita Diyus. Buwatun Panginuun nu hintay ti mayad sa kanya.”

2 Hari 7:4

Nu paslud kita sa banwa mamatay kita ati sa lun-us, ag nu manukawan lang kita sitay, mamatay diman kita. Nakan mangatag yi lang kita sa kampu manga Aramiyu ag sumuku. Nu balaw nida kita unhun, mayad ngap, dapat nu matyun nida kita, bahala yi.”

2 Krunika 20:3

Nadala si Husapat, ag nagdangup siya sa Panginuun. Bag-u nagsugu siya danga maghandum karan-unun ti tanan taga Huda.

Isra 8:21

Ati sa saruy sapa Ahaba, nagsabi aku sa gurupu kuntay unman manhandum karan-unun kami ag mamakumbaba kanmi sadili sa atubangan nimi Diyus hampay hagadun sa kanya bantayan niya kami sa kanmi lakawanun, hanggan kanmi manga anak ag manga kasiyunan.

Istir 4:15

Inda waydi kay pagsabihun ni Istir tabug sa kan Murdukyu,

Istir 4:17

Nakan linmakaw ngani si Murdukyu sinunud niya ti pag-ipabuwat ni Istir.

Istir 4:3

Ti manga nakadnug sa sugu hari pag manga Hudiyu sa kada purubinsiya nanrukuan gid, nanlulumian ag nanwarawawan. Mayamu gid sa kanda ti nanulung saku ag napaigya sa dapug.

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

Istir 9:31

ag itinalaga ti pagdaus Pista Purim sa itinagka pag udas, angay sa sugu ni Murdukyu hanggan ni Rayna Istir. Kailangan nida inda sundun parihu sa pagsunud linahi nida sa manga surundanun tungkul sa unman maghandum karan-unun hanggan pagpanrukuan.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Hirimyas 36:9

Nangyari inda katpung sirang pag pauray sa darangin sa atubangan Panginuun, pagka sa ikasiyam pag bulan sa ikalima pag timpu kay maghari ni Hihuyakim kay anak ni Hari Husyas sa Huda. Nagtipun sa Balay Diyus ti nasakupan Hirusalim ag manga banwa sa Huda.

Danyil 2:18

Sinabihan sida ni Danyil kuntay, “Mandarangin kita hampay kaawaan kita Diyus sa langit, ag maalaman nita kay ibug sabihun tagin-up hari, hampay balaw kita matyun kaibahan ti iba waya pag manga dunungin pag tawu sa Babilunya.”

Matiyu 12:40

Nu kabitay si Hunas sa sulud tulu ka yabi tulu ka sirang sa basad tiyan laun pag isda, katunda diman ti Anak Tawu aban sa tinaguktukan batu sa sulud tulu ka yabi tulu waydi ka sirang.

Lukas 9:24

Dahil una hintay pag tawu tigkaibug alagaan kay buhi, maduraan ngap siya buhi. Dapat una hintay pag tawu ti nabul-an kay buhi dahil sa kangku, balaw ngap maduraan buhi.

Huwan 19:22

Sinabi ni Pilatu sa kanda magkun, “Nu hintay kang ipinasurat, balaw yi mauman.”

Binwat 10:7

Pagka nakatapus kay hampang sa kan Kurnilyu, nighit maan ti anghil. Bag-u bin-ul ni Kurnilyu ti duwa ka masarigan gid niya pag panawuhun hanggan ti usa ka suruguun niya pag sundalu. Tunda pag sundalu parihu ga kan Kurnilyu niabay waydi sa surundanun manga Hudiyu.

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

Binwat 27:33

Pagka madlum surip yi, pagsagdahun ni Pablu sida tanan hampay mangaun magkun, “Taynguna sampulu may upat yi ka sirang kamu ud may kinaun sa kanyu mag-alagad sa kalma.

Binwat 9:9

Sulud tulu ka sirang unman maghiling kay mata ag unman siya nagkaun nag-inum.

Ruma 16:4

Apinasubu nida kanda sadili bilug sa madala hampay lang makaribri kangku pag buhi. Balaw lang aku tigpasalamat, hanggan ti manga iglisya balaw Hudiyu magpasalamat waydi.

Pilipus 2:30

Arani yi lang siya sa kamatayun, dahil unman inirangan niya kay budlay sa kay buruwatun kay tinanggap ginan sa kan Kiristu. Inawatan niya aku pinarargu niya kanyu iinawat sa kangku tugka sa kanyu makaya.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”

1 Samwil 19:5

Ipinaun niya kay sadili katpung sa kay pagmatay sa Pilistiyu sa kan Gulyat ag pinanalu Panginuun ti buu Israil. Nakitan nimu inda ag nakabaya kawu. Bati hayga nimu pagkaibgan matyun ti usa ka tawu ud may nabwat salan parihu kan Dabid sa unman may dahilan?”