Istir 3:7 - Hanunuu

⁷ Bulan yi Nisan, ti un-an pag bulan, katpung ika-12 pag timpu kay paghari ni Aswiru, nagsugu si Haman manlunggungan hampay maalaman nu hintay pag sirang hanggan bulan pag-ipatupad kay gayak. (Kanda ginamit sa lunggungan pag-ingarnan “pur”.) Nabunut nida ti ika-13 pag sirang sa ika-12 pag bulan, ti bulan Adar.

Istir 3:7 Iomraidhean Croise

Isra 4:6

Pagka nag-umpisa naghari si Aswiru, ti manga kalaban manga mag-uli sa Huda ag Hirusalim nagsurat manga bangdan laban sa kanda.

Isra 6:15

Namhan ti Balay Diyus sa ikatlu pag sirang sa ikasampulu may duwa pag bulan, imaw ti bulan Adar, katpung ikan-um pag timpu kay maghari ni Daryu.

Nihimyas 2:1

Katpung un-an pag bulan sa bulan Nisan, sa ika-20 pag timpu kay maghari ni Artasirsis, tinunghulan niku intus ti hari. Ati lang katpung niya aku pag nakitan maruku.

Istir 1:3

Pagka may tulu yi ka timpu kay pagka hari, nag-alistu siya daka pag karan-an sa kay manga takinan ag sa iba waya niya suruguun sa balay hari. Nandulud diman waydi ti manga takinan manga sundalu taga Pirsiya hanggan taga Midya, una ti may kangaranan pag manga tawu hanggan ti manga takinan manga purubinsiya.

Istir 9:1

Nagras-ug ti ika-13 pag sirang sa ika-12 pag bulan Adar. Inda ti sirang pagpatupad sa kasuguan hari. Sa inda pag sirang, inisip manga kalaban manga Hudiyu maruris yi gid nida lubus ti manga Hudiyu. Pat-ay baliktad ti nangyari, dahil sida ngap ti rinuris manga Hudiyu.

Istir 9:21

Sa inda pag surat, pagsabihun ni Murdukyu sa manga Hudiyu kailangan alalahanun nida ti ika-14 hanggan ti ika-15 pag sirang sa bulan Adar.

Istir 9:5

Minatay manga Hudiyu ti tanan nida kalaban sa ati katpung pag sirang sa panab-anan baladaw. Binwat nida ti tanan nida gustu buwatun sa manga magkagalit sa kanda.

Kabagawan 16:33

Maglunggungan ti manga tawu hampay maalaman nida nu hintay kanda buwatun, dapat ti Panginuun di tinagpasnu.

Matiyu 27:35

Pagka kanda ipinaku siya sa kurus, inayaw-ayaw nida kay manga rutay alinaban waya nida sa lunggungan.