Istir 3:13 - Hanunuu

¹³ Inda pag surat ipinadara sa tanan purubinsiya kaharian sa panab-anan tagadara surat. Masuratan siyun ti sugu sa sulud lang usa ka sirang matyun ti tanan manga Hudiyu: ti anak, ti gurangun, ti lalaki hanggan ti babayi, bag-u aghasun diman ti tanan nida kasiyunan. Buwatun inda sa ika-13 pag sirang sa ika-12 pag bulan, ti bulan Adar.

Istir 3:13 Iomraidhean Croise

2 Krunika 30:6

Sa sugu hari, nag-atag ngani ti manga manugbarita sa buu Israil ag Huda dara ti manga surat ginan sa hari ag sa kay manga may kangaranan. Inda ti nakasurat: “Manga nasakupan Israil, taynguna nakaribri kamu sa kamang manga hari sa Asirya, udas yi bumalik-nalub-anan kamu sa Panginuun, ti Diyus niyu manga ginurang nida ni Abraham, Isaak, ag Hakub, hampay bumalik diman siya sa kanyu.

Istir 7:4

Dahil may itinaratu pirimyu sa manga tawu mumatay sa kanmi. Nu ipinabili kami hampay lang buwatun suruguun, pabay-anan yi lang niku, dahil balaw waydi tunda mahalaga para balagun waya niku kawu.”

Istir 9:1

Nagras-ug ti ika-13 pag sirang sa ika-12 pag bulan Adar. Inda ti sirang pagpatupad sa kasuguan hari. Sa inda pag sirang, inisip manga kalaban manga Hudiyu maruris yi gid nida lubus ti manga Hudiyu. Pat-ay baliktad ti nangyari, dahil sida ngap ti rinuris manga Hudiyu.

Istir 9:10

Dapat balaw bin-ul manga Hudiyu ti kasiyunan nida manga kalaban.

Istir 9:5

Minatay manga Hudiyu ti tanan nida kalaban sa ati katpung pag sirang sa panab-anan baladaw. Binwat nida ti tanan nida gustu buwatun sa manga magkagalit sa kanda.

Hub 9:25

“Madali lang maglawuy ti manga sirang sa buhi niku; mas mabaskug waya sa manugpalagiw. Maglawuy inda unman gid may kasulungan.

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Hirimyas 51:31

Dasun-dasun rumas-ug ti manga manugbarita hampay sabihun sa hari Babilunya kuntay ti buu banwa nasakup yi.

Ruma 3:15

Madali gid sida nu kanda turunu manlibun tawu.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”

1 Samwil 22:19

Ipinamatay diman ni Saul ti tanan mag-ulian sa Nub, ti banwa manga manughandug: ti manga lalaki, manga babayi, manga kalay-awan, manga lapsag, manga baka, manga asnu, manga karanidu, hanggan ti manga kambing.