Istir 3:12 - Hanunuu

¹² Nakan ati katpung sa ika-13 pag sirang sa un-an pag bulan, ipinatawag ni Haman ti tanan manga manugsurat hari. Nagpabuwat siya surat sa kanda para sa manga gubirnadur purubinsiya, sa manga banwa hanggan sa iba waya pag manga takinan sa buu kaharian, sa kanda sadili pamagaw. Ti surat binwat sa ngaran ni Hari Aswiru ag tinatakan singsing.

Istir 3:12 Iomraidhean Croise

1 Hari 21:8

Nakan sinmurat si Hisibil sa ngaran ni Akab, minarkahan niya inda panmarka hari, ag ipinadara sa manga paggurangunun hanggan sa iba waya manga may katungkulan sa banwa nu naan pag mag-uli si Nabut.

Isra 8:36

Ipinakaun diman nida sa manga gubirnadur ag manga takinan sa purubinsiya isalpan Iyupratis ti kasuratan nu naan isinurat ti sugu hari. Ag inda pag manga takinan nag-awat sa nasakupan Israil ag sa Balay Diyus.

Istir 1:22

Ipinasurat niya inda ag ipinadara sa tanan purubinsiya sakup kaharian niya angay sa kanda sadili manga pamagaw. Ti pagsabihun ati sa surat ti lalaki imaw gid ti dapat pumangulu sa kanda magtal-anakan.

Istir 3:11

Magkun ti hari sa kanya, “Kanmu yi lang kanmu kuwarta, dapat buwata kanmu pagkaibgan buwatun sa manga Hudiyu.”

Istir 8:2

Bin-ul hari kay singsing pantatak, binawi niya ginan sa kan Haman, bag-u kay ipinakaun sa kan Murdukyu. Ag siya ti binwat kaawat ni Istir sa tanan kasiyunan ni Haman.

Istir 9:27

nangarasunduan sida tanan manga Hudiyu kuntay kanda alalahanun inda pag duwa ka sirang timpu-timpu parihu sa sinabi ni Murdukyu, ag pinagkasunduan diman nida tupadun nida manga linahi hanggan tanan manga niabay bilang Hudiyu.

Danyil 3:10

Unman aw nagsugu kawu una si unu ti makadnug sa tunug manga pamatunug pagluhud ag pagsamba sa tinawu-tawu gintu,

Danyil 6:12

Nakan nag-atag sida sa hari hampay itultul ti paglabag ni Danyil sa kasuguan. Magkun sida sa hari, “Unman aw, Mahal Hari, nagpirma kawu sa kasuguan kuntay sa sulud tatlumpulu ka sirang unman may mandarangin una sa kantapu pag diyus una tawu nu unman sa kanmu lang? Ag una si unu ti lumabag sa tunda pag sugu iyamut sa may liyun kali?” Nagsagut ti hari, “Tutuu tunda, ag angay sa kasuguan nita kaharian Midya ag Pirsiya, unman yi gid tida mahimu mauman ngatay mapahimudil.”

Danyil 6:15

Nagtiripnan maan ti manga takinan hari ag magkun sida sa hari, “Alam nimu, Mahal Hari, angay sa kasuguan nita kaharian Midya ag Pirsiya, ti ipinatupad hari pag kasuguan balaw yi mahimu bag-uhun.”

Danyil 6:25

Bag-u nagsurat si Hari Daryu sa tanan manga tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu mana ti kahusayan ag pag mayad gid kanyu kahamtangan.

Danyil 6:8

Nakan Mahal Hari, patupadan inda pag kasuguan. Pasuratan yi inda ag pirmahi hampay unman yi gid inda mauman ngatay mapahimudil angay sa kasuguan nita kaharian sa Midya ag Pirsiya.”