Istir 2:7 - Hanunuu

⁷ Si Murdukyu may pinsan daraga. Pagka inda naulila kay inalagaan hanggan sa dinmaka ag kay magpahalimbawa ga kay yi gid suud anak, kay ngaran si Hadasa pag-ingarnan diman waydi Istir. Marinu diman waydi kay histuda bilug.

Istir 2:7 Iomraidhean Croise

Gimpuunan 48:5

Nagparargu si Hakub sa kay magbagaw, “Kanmu duwa ka anak sida ni Ipraim ni Manasis, ti iinanak atay sa Ihiptu bag-u aku rinmas-ug, sida ga kangku diman pag manga anak, parihu sa kanda ni Rubin ag ni Simyun.

Istir 1:11

paatagan sa kanya si Rayna Basti pag may sangbaw kuruna hampay ipakakit kay karinuan sa manga takinan hanggan sa tanan bisita, dahil marinu gid waydi siya.

Istir 2:15

Pagka sa ikasampulu yi pag bulan, ti bulan Tibit, katpung ikapitu pag timpu kay paghari ni Aswiru, rinmas-ug yi ti sirang pag-atubang ni Istir sa hari sa balay hari. Sinunud ni Istir kay bilin ni Hagay, ti takinan manug-alaga sa kanda sa ulian manga babayi. Isinulung niya ti rutay kay sinabi ni Hagay sulungan, tunda bay ngani pagbaya ag pagdayawun gid siya manga nakakit sa kanya, bag-u di siya dinara sa balay hari.

Istir 2:20

Unman waya gid pagsabihun ni Istir kuntay siya usa ka Hudiyu, kay gid nakan pag-isipun kay bilin ni Murdukyu. Pagsundun di gid ni Istir si Murdukyu parihu ga kaybi siya pag alagaan waya niya.

Istir 8:1

Sa ati diman pag sirang, ipinakaun ni Hari Aswiru sa kan Rayna Istir kay kasiyunan ni Haman, ti kalaban manga Hudiyu. Sinabi ni Istir sa hari kuntay kay katawuhan si Murdukyu, nakan ipinab-ul siya hari.

Hub 31:17

ag nu inirangan niku karan-unun ti manga ilu, mana parusahan aku Diyus.

Hub 31:18

Dapat ginan di waya sa kalay-awan aku pag asikasuhun yi niku ti manga ilu; sa buu niku buhi unman aku nagpabaya sa manga buranday pag babayi.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Ipisu 6:4

Kamu pag manga gurangun, danga pakahigpiti kanyu anak barang magkagalit sa kanyu. Bagkus ngap ginan waya sa diit paanadun niyu sida sa ugali angay sa bagaw Panginuun.

1 Huwan 3:1

Pag-isipa niyu nu kabitay kay kadaka ti pagmahal Ama sa kanta. Daka gid kay pagmahal nakan iningarnan kita manga anak Diyus. Tutuu gid ngani kita manga anak Diyus. Nakan pagdayuun kita manga taga kalibutan dahil dinayu waydi nida ti Diyus.