Istir 2:5 - Hanunuu

⁵ Ati katpung pag manga panahun, may usa ka Hudiyu mag-uli sa banwa Susa, kay ngaran si Murdukyu kay anak ni Hair, laki ni Simiy anak ni Kis ginan sa lahi ni Binhamin.

Istir 2:5 Iomraidhean Croise

2 Samwil 16:5

Pagka magkaarani yi si Hari Dabid sa Bahurim, may tawu linmuwas sa tunda ginan pag banwa ag magbagaw marasakit pag bagaw sa kan Dabid. Tunda pag tawu si Simi ngani kay anak ni Gira ag katawuhan ni Saul.

2 Hari 24:12

Sinmuku sa kanya si Hari Hihuyakin, kaibahan kay ina, ag kay manga suruguun, ag kay bantug pag manga tawu, hanggan kay manga takinan. Pagka sa ikawalu pag timpu kay maghari ni Nabukudunusur sa Babilunya, binihag niya si Hihuyakin.

2 Hari 24:15

Binihag ni Nabukudunusur si Hihuyakin sa Babilunya, hanggan kay ina, manga asawa, manga takinan ag ti manga bantug pag manga tawu sa Huda.

Istir 10:3

Si Murdukyu pangadwa sa kan Hari Aswiru. Bantug gid siya sa kay kaparihu manga Hudiyu. Pag-igalang siya dahil binwat niya ti ikaayad niya kasimanwa Hudiyu ag siya ti tagahampang sa hari nu sida may kailangan.

Istir 2:3

Pagpili duy kawu manga takinan sa kada sakup nimu kaharian pag purubinsiya hampay manhanap mararinu pag daraga tugnaw bag-u darahun sitay tag sa banwa Susa, sa ulian manga kababayihan. Paasikasuhan nimu sida sa kan Hagay, usa sa manga takinan nimu may mataas pag katungkulan, ti manug-alaga sa ulian manga kababayihan. Siya duy ti bahala magpakaun manga pangailangan manga daraga sa pagparinu.

Istir 2:4

Ag ti maibgan nimu pag daraga imaw ti ipalit nimu sa kan Basti bilang rayna.” Naibgan hari inda pag patigayun nakan sinunud niya.

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

1 Samwil 9:1

May usa ka mayaman ag kilala pag tawu ginan sa lahi ni Binhamin. Kay ngaran si Kis, anak siya ni Abyil. Si Abyil kay anak ni Sirur, si Sirur kay anak ni Bikurat, si Bikurat kay anak ni Apya ginan sa lahi ni Binhamin.