Istir 2:21 - Hanunuu

²¹ Ati katpung pag manga panahun matukawan si Murdukyu sa sabian balay hari. May duwa ka takinan ti hari, sida ni Bigtan ni Tiris, sida ti bantay sa sabian sulud-sulud hari. Magkagalit sida sa kan Hari Aswiru ag maggayak sida matyun ti hari.

Istir 2:21 Iomraidhean Croise

2 Samwil 16:11

Magkun si Dabid sa kan Abisay hanggan sa tanan takinan niya, “Nu kang anak ngani naggayak mumatay sa kangku, lalu wadi inda pag katawuhan ni Saul. Sinugu siya Panginuun nakan pabay-ani lang niyu siya.

1 Hari 16:9

Si Simri, usa sa manga may kangaranan ni Ila ag kumandir katunga manga manugkalisa, naggayak daut laban sa kanya. Usa ka sirang, nanlangu si Ila ati sa Tirsa, sa balay ni Arsa, imaw ti manug-asikasu ati sa balay hari.

2 Hari 12:20

Pagka sa uryan, naglaban laban kan Hari Huas kay manga takinan, ag minatay nida siya sa Bit Millu, sa dalan atabug sa Sila.

2 Hari 21:23

Taynguna, naggayak daut ti manga may kangaranan ni Amun laban sa kanya, ag minatay nida siya sa kay balay hari.

Isra 4:6

Pagka nag-umpisa naghari si Aswiru, ti manga kalaban manga mag-uli sa Huda ag Hirusalim nagsurat manga bangdan laban sa kanda.

Istir 2:19

Pagka sa ikadwa yi pagtiripun manga daraga, si Murdukyu usa yi ka takinan manugbantay sa sabian balay hari.

Istir 6:1

Igu yabi, unman makaturug si Hari Aswiru, nakan ipinab-ul niya ti ribru tungkul sa tultulanun niya kaharian ag ipinabasa habang magpatingi siya.

Istir 6:2

Nabasa ngap ti tultulanun tungkul sa nasulayan ni Murdukyu sa gayak nida ni Bigtana ni Tiris sa pagmatay sa kan Hari Aswiru. Sida ni Bigtana ni Tiris ti takinan hari. Sida ti guwardiya sabian sulud-sulud hari.

Kanta 144:10

Kawu ti magpakaun panalu sa manga hari ag nagribri kan Dabid sa kanmu manugsirbi ginan sa kamatayan.

Danyil 2:49

Hinampang ni Danyil ti hari kuntay buwatun sida ni Sadrak, ni Misak, ag ni Abidnigu manga kaawat niya sa pagpanguna sa banwa Babilunya. Bag-u nagpasnu diman ti hari. Si Danyil pirmaminti sa balay hari.