Istir 2:15 - Hanunuu

^15-16 Pagka sa ikasampulu yi pag bulan, ti bulan Tibit, katpung ikapitu pag timpu kay paghari ni Aswiru, rinmas-ug yi ti sirang pag-atubang ni Istir sa hari sa balay hari. Sinunud ni Istir kay bilin ni Hagay, ti takinan manug-alaga sa kanda sa ulian manga babayi. Isinulung niya ti rutay kay sinabi ni Hagay sulungan, tunda bay ngani pagbaya ag pagdayawun gid siya manga nakakit sa kanya, bag-u di siya dinara sa balay hari.

Istir 2:15 Iomraidhean Croise

Istir 2:14

Yabi di siya bag-u atabug sa hari, pagka aldaw surip darahun siya sa ulian manga asawa hari, ti pagpamahalaan ni Saasgas usa sa manga takinan may abwat pag katungkulan. Siya ti ipinabahala hari sa kay manga asawa. Unman may una si unu ti makabalik sa hari purya lang nu maibgan siya ag patawagun hari.

Istir 2:3

Pagpili duy kawu manga takinan sa kada sakup nimu kaharian pag purubinsiya hampay manhanap mararinu pag daraga tugnaw bag-u darahun sitay tag sa banwa Susa, sa ulian manga kababayihan. Paasikasuhan nimu sida sa kan Hagay, usa sa manga takinan nimu may mataas pag katungkulan, ti manug-alaga sa ulian manga kababayihan. Siya duy ti bahala magpakaun manga pangailangan manga daraga sa pagparinu.

Istir 8:1

Sa ati diman pag sirang, ipinakaun ni Hari Aswiru sa kan Rayna Istir kay kasiyunan ni Haman, ti kalaban manga Hudiyu. Sinabi ni Istir sa hari kuntay kay katawuhan si Murdukyu, nakan ipinab-ul siya hari.

Istir 9:29

Hampay lalu waya mapag-un kay surat ni Murdukyu angay sa Pista Purim, nanurat diman si Rayna Istir kay anak ni Abihail, tungkul siyun tapil sa kagustuhan kahim-ungan ag kahusayan tanan manga Hudiyu.

Kabagawan 15:33

Ti paggalang sa Panginuun ikadunung gid tawu, ag ti pagpakumbaba makapakaun kadayawan.

Kanta ni Sulumun 6:9

usa lang gid kang mahal. Marinu gid siya ag unman gid may alangan. Usa lang siya pag anak babayi niya ina ag palangga siya niya ina. Nu makitan siya manga babayi, pagdayawun nida siya, ag una manga rayna hanggan manga asawa suruguun magdayaw sa kanya.

Kanta ni Sulumun 8:10

Tugnaw ngani aku, kang dubdub parihu sa manga bantayaw. Ag kang mahal, lubus masulung sa kangku.

Binwat 7:10

Binawi di niya si Husi ginan sa tanan niya kakurian ag pinakan-an siya kadunungan hanggan mabuut pag ugali sa atubangan ni Paraun, hari manga taga Ihiptu. Nakabaya gid si Paraun sa kan Husi, nakan pinili niya si Husi hampay gubirnadur siya sa Ihiptu hanggan sa tanan niya kasiyunan hari.