Istir 2:14 - Hanunuu

¹⁴ Yabi di siya bag-u atabug sa hari, pagka aldaw surip darahun siya sa ulian manga asawa hari, ti pagpamahalaan ni Saasgas usa sa manga takinan may abwat pag katungkulan. Siya ti ipinabahala hari sa kay manga asawa. Unman may una si unu ti makabalik sa hari purya lang nu maibgan siya ag patawagun hari.

Istir 2:14 Iomraidhean Croise

Gimpuunan 34:19

Nakan dahil sa daka kay pagmahal ni Sikim sa kan Dina, balaw yi siya nag-uyang udas sa pagsunud sa manga sinabi manga anak ni Hakub. Si Sikim pag-igalang gid sa magtal-anakan niya ama.

Istir 2:13

Bag-u di siya umatag sa hari, pakan-an dapu siya una hintay pag manga rutay hanggan manga unu pamarinu kay pagkaibgan isulung hampay siya makaatubang sa hari.

Istir 2:15

Pagka sa ikasampulu yi pag bulan, ti bulan Tibit, katpung ikapitu pag timpu kay paghari ni Aswiru, rinmas-ug yi ti sirang pag-atubang ni Istir sa hari sa balay hari. Sinunud ni Istir kay bilin ni Hagay, ti takinan manug-alaga sa kanda sa ulian manga babayi. Isinulung niya ti rutay kay sinabi ni Hagay sulungan, tunda bay ngani pagbaya ag pagdayawun gid siya manga nakakit sa kanya, bag-u di siya dinara sa balay hari.

Istir 4:11

“Alam tanan sa buu kaharian una si unu ti pumakarani sa hari sa sugkadan turukawan, lalaki man ngatay babayi, balaw pagpatawagun pihu gid matyun, purya lang nu itudlu hari kay sugkud gintu sa tunda pag tawu. Ag usa yi aku ka bulan balaw pag patawagun hari.”

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 45:4

Tinawag niku kawu hampay awatan nimu ti Israil kang manugsirbi, ti pinili niku pag nasakupan. Kinilala niku kawu una unman waya nimu aku kilala.

Diyuturunumiyu 21:14

Dapat nu sa uryan unman yi siya may gana sa babayi, kailangan pasnuan niya kay gustu una naan tabug. Balaw yi siya puwidi ipabili ngatay buwatun suruguun dahil inuya yi niya siya.