Istir 2:13 - Hanunuu

¹³ Bag-u di siya umatag sa hari, pakan-an dapu siya una hintay pag manga rutay hanggan manga unu pamarinu kay pagkaibgan isulung hampay siya makaatubang sa hari.

Istir 2:13 Iomraidhean Croise

Istir 2:11

Sirang-sirang diman maglawuy siyun si Murdukyu arani sa alad balay ulian manga daraga hampay magkaalaman niya ti kahamtangan ni Istir, ag nu hintay yi ti magpangyari sa kanya.

Istir 2:12

Bag-u umatubang ti usa ka babayi sa hari, kailangan matapus niya ti usa ka timpu magparinu. Sa un-an pag unum ka bulan, payidan niya lana mira sa kay bilug, bag-u sa sunud maan pag unum ka bulan, payidan waydi manga pamanglu hanggan iba waya pamarinu kay bilug.

Istir 2:14

Yabi di siya bag-u atabug sa hari, pagka aldaw surip darahun siya sa ulian manga asawa hari, ti pagpamahalaan ni Saasgas usa sa manga takinan may abwat pag katungkulan. Siya ti ipinabahala hari sa kay manga asawa. Unman may una si unu ti makabalik sa hari purya lang nu maibgan siya ag patawagun hari.