Istir 1:4 - Hanunuu

⁴ Tunda pag karan-an inmaput di unum ka bulan kay kadugay. Sa sulud ati katpung pag manga kaudasan, ipinakakit ni Aswiru kay kasiyunan sa kaharian hanggan kay kapangyarihan ag ti kaabundahan niya buhi.

Istir 1:4 Iomraidhean Croise

1 Krunika 29:25

Ipinabantug Panginuun si Sulumun sa buu Israil ag pinakan-an niya siya kadayawan unman natanggap iba pag manga hari sa Israil.

Istir 1:3

Pagka may tulu yi ka timpu kay pagka hari, nag-alistu siya daka pag karan-an sa kay manga takinan ag sa iba waya niya suruguun sa balay hari. Nandulud diman waydi ti manga takinan manga sundalu taga Pirsiya hanggan taga Midya, una ti may kangaranan pag manga tawu hanggan ti manga takinan manga purubinsiya.

Istir 1:5

Pagka siyun ginan nag-alistu maan daka pag karan-an ti hari para yi tunda sa tanan taga Susa, mayaman man ngatay pugri. Tunda pag karan-an ati pag idinaus sa halamanan balay hari, usa ka duminggu kay kadugay.

Hub 40:10

Nu kaya nimu inda, pakakitan kanmu kapangyarihan, karangalan, hanggan kadayawan.

Kanta 145:5

Isip-isipun niku kanmu kadayawan ag kamaskihan, hanggan kanmu makadululaw pag manga binwat.

Kanta 21:5

Dahil sa kanmu pagpapanalu sa kanya nagbaliw bantug ag paggalangun gid siya.

Kanta 45:3

Sabakan kanmu baladaw, makapangyarihan pag hari; makamaskihan kawu ag paggalangun.

Kanta 93:1

Hari kawu, Panginuun; kanmu kamaskihan ag kadayawan imaw ti kanmu makahari pag rutay. Ibinugtang nimu marig-un ti kalibutan ag balaw inda magkatandug.

Isayas 39:2

May kabayaan kay nagtanggap ni Isikyas sa manga sugu, ag ipinakakit waya niya sa kanda ti tanan manga kabagayan sa kay haramnuan kayamanan — ti manga pilak, gintu, pamanglu, manga marinu pag kalasi lana ulibu, manga armas ag iba waya niya manga kayamanan. Unman gid una di usa ka bagay sa balay hari ngatay kaharian ti balaw niya ipinakakit sa kanda.

Isikil 28:5

Sa panab-anan diman nimu kakayahan sa pagnigusyu, nadugangan waya gid kanmu kayamanan, ag dahil sa kanmu kayamanan nagpadayaw-dayaw kawu.

Danyil 4:30

magkun siya, “Tutuu gid ungud makapangyarihan yi ti Babilunya, ti kang ipinatindug pag kaharian banwa sa panab-anan niku sadili kabisugan ag para sa kang kadayawan.”

Danyil 4:36

“Pagka binmalik yi kang mayad pagkaisipan, ibinalik diman sa kangku kang kadayawan ag kapangyarihan bilang hari. Tinanggap di maan aku niku manga manugpamahala hanggan niku manga manughusay, ag nagbaliw mas makapangyarihan waya aku kaysa kabag-u.

Danyil 5:18

“Mahal Hari, kanmu ama si Nabukudunusur pinakan-an Kaabwat-abwatan Diyus usa ka kaharian. Nagmakapangyarihan siya ag kinilala manga tawu.

Matiyu 4:8

Tinaban maan siya diyablu tag sa usa ka bantud abwat gid, pinausdung siya nakitan niya ti tanan manga kaharian sa babaw daga hanggan kanda kadayawan.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”