Istir 1:3 - Hanunuu

³ Pagka may tulu yi ka timpu kay pagka hari, nag-alistu siya daka pag karan-an sa kay manga takinan ag sa iba waya niya suruguun sa balay hari. Nandulud diman waydi ti manga takinan manga sundalu taga Pirsiya hanggan taga Midya, una ti may kangaranan pag manga tawu hanggan ti manga takinan manga purubinsiya.

Istir 1:3 Iomraidhean Croise

Gimpuunan 40:20

Nagras-ug ti ikatlu pag sirang ag inda ti kasirangan hari Ihiptu. Nakan nag-alistu siya para sa tanan takinan niya. Pinaluwas niya sa pirisuhan ti takinan manga manugsirbi niya irinmun hanggan ti takinan manugtama tinapay, bag-u pinaatubang sa kay manga takinan.

1 Hari 3:15

Napulaw si Sulumun, ag nasalman niya naghampang ti Panginuun sa kanya sa panab-anan tagin-up. Pagbalik ni Sulumun sa Hirusalim, tinmindug siya sa atubangan Kaban Kasunduan Panginuun, ag nanhandug, manga handug pagsunugun hanggan manga handug para sa mayad pag pakiusa. Ag nagpaalistu siya karan-unun para sa tanan niya manga manugpamahala.

Isra 1:2

“Inda kay pagsabihun ni Hari Sayrus taga Pirsiya: “Ipinakaun sa kangku Panginuun, Diyus kalangitan, ti tanan pag kaharian sitay sa kalibutan, ag ikinatiwala niya sa kangku ti pagpatindug Balay Diyus para sa kanya ati sa Hirusalim sakup Huda.

Istir 1:14

Ti pirmi niya paghagadan payu sida ni Karsina, ni Sitar, ni Admata, ni Tarsis, ni Miris, ni Mirsinas ag ni Mimukan. Sida ti may mataas pag manga katungkulan manga takinan sa kaharian Pirsiya hanggan sa Midya, ag kakilala gid sida hari.

Istir 1:4

Tunda pag karan-an inmaput di unum ka bulan kay kadugay. Sa sulud ati katpung pag manga kaudasan, ipinakakit ni Aswiru kay kasiyunan sa kaharian hanggan kay kapangyarihan ag ti kaabundahan niya buhi.

Istir 2:18

Nagbulwat gid daka pag karan-an ti hari hampay pahalagahan si Istir. Binan-awan niya ti tanan manga takinan hanggan ti iba waya niya manugsirbi. Ipinahayag niya sa buu kaharian kuntay pagpahari ti manga tawu sa ati pag sirang, bag-u nangayaw siya pamakaun sa manga tawu.

Istir 3:7

Bulan yi Nisan, ti un-an pag bulan, katpung ika-12 pag timpu kay paghari ni Aswiru, nagsugu si Haman manlunggungan hampay maalaman nu hintay pag sirang hanggan bulan pag-ipatupad kay gayak. (Kanda ginamit sa lunggungan pag-ingarnan “pur”.) Nabunut nida ti ika-13 pag sirang sa ika-12 pag bulan, ti bulan Adar.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Danyil 5:1

Pagka si Bilsasar ti hari Babilunya, nag-alistu siya daka pag handaan para sa usa ka libu manga kilala pag manga tawu niya. Pagka mag-irinuman sida intus, ipinab-ul ni Bilsasar ti gintu ag pilak pag manga irinman ti nab-ul niya ama ni Nabukudunusur ginan sa Balay Diyus sa Hirusalim. Ipinab-ul niya inda agud inman nida kaibahan tunda pag manga kilala pag manga tawu, hanggan niya manga asawa, ag iba waya niya pag manga asawa suruguun. Pagka dinara sa kanya ti manga irinman, ginamit nida inda irinman.

Danyil 5:28

Ti Parsin kay kahulugan madwa kanmu kaharian bag-u ipakaun sa Midya hanggan sa Pirsiya.”

Danyil 6:1

Taynguna, nagpili si Hari Daryu 120 ka gubirnadur manguna sa buu niya kaharian.

Danyil 8:20

Tunda pag tudu karanidu kanmu nakitan may duwa ka sungay kay kahulugan manga kaharian Midya ag Pirsiya.

Markus 6:21

Pagka dugay nakakit waydi si Hirudiyas kay paraan. Ati katpung pag-alalahanun ni Hirudis kay kapanganakan. Nagbuwat si Hirudis karan-an sa kay nasakupan may katungkulan, sa manga manugmandar sundalu ag sa may manga kangaranan sa Galiliya.