Isra 4:2 - Hanunuu

² nakan nag-ati sida sa kan Surubabil hanggan sa manga takinan manga magtal-anakan ag magkun, “Awatan nimi kamu sa pagbungsud Balay Diyus dahil pagsambahun diman nimi kanyu Diyus parihu sa pagbuwatun niyu. Dugay yi kami maghandug manga handug sa kanya, ginan waya sa pangudasun ni Hari Isarhadun taga Asirya, ti nagdara sa kanmi sitay.”

Isra 4:2 Iomraidhean Croise

Gimpuunan 10:11

Ginan sa ati pag manga rugar, nag-ati siya sa Asirya bag-u ipinatindug niya ti Ninibi, ti Rihubut Ir, ti Kala

2 Hari 17:24

Nagpadara ti hari Asirya manga tawu sa Samarya ginan sa Babilunya, Kut, Aba, Hamat, ag Siparbaim, ag ipinatahan niya sida sa manga banwa sa Samarya agud ilisan ti manga taga Israil. Nakan sinakup nida ti Samarya hanggan ti iba waya manga banwa sa Israil.

2 Hari 17:41

Mintaras magsamba sida sa Panginuun, magsamba diman sida sa kanda manga diyus-diyusan. Ag hanggan taynguna imaw di inda ti pagbuwatun nida manga linahi.

2 Hari 19:37

Usa ka sirang, habang magsamba si Sinakirib sa simbahan niya diyus si Nisruk, minatay siya niya duwa ka anak lalaki sida ni Adramilik ni Sarisir sa panab-anan baladaw, ag rargu nalagiw sida sa Ararat. Kay usa niya ka anak si Isarhadun imaw ti nag-ublus sa kanya sa kay pagka hari.

Isra 1:5

May manga Israilita tinandug Diyus hampay bumalik sa Hirusalim. Nakan nag-alistu sida umatag hampay ipatindug ti Balay Diyus Panginuun. Kaibahan nida ti manga takinan magtal-anakan sa lahi ni Huda hanggan sa lahi ni Binhamin. Kaibahan diman nida ti manga manughandug sa Balay Diyus, hanggan ti manga Libita.

Isra 2:2

Ti namunu sa kanda pagbalik sida ni: Surubabil, Hisuwa, Nihimyas, Siraya, Riilaya, Murdukyu, Bilsan, Mispar, Bigbay, Rihum, ag Baana. Inda ti listahan nasakupan Israil nakabalik ginan sa pagkabihag:

Isra 3:12

Mayamu ati ti manga gurangun pag manga manughandug, manga Libita, hanggan manga paggurangunun sa manga magtal-anakan ti nakakit kaybi sa un-an pag Balay Diyus. Nanlumi sida mabisug pagka nakitan nida ti paratukawan bag-u pag Balay Diyus. Ag mayamu diman ti nanhuyaw sa kabayaan.

Isra 3:2

Pagkalawuy ipinatindug maan ti harandugan Diyus Israil hampay masagdahan inda manga handug pagsunugun angay sa isinurat sa Kasuguan ni Muysis kay suruguun. Ti nagpatindug inda sida ni Hisuwa anak ni Husadak ag kay kaibahan pag manga manughandug, hanggan si Surubabil anak ni Salatyil ag kay manga katawuhan.

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Kanta 73:8

Pagpuyaan nida ag pagbagawan daut ti iba. Sa kanda kayabangan magpamadala sida sa pag-api sa iba.

Isayas 37:37

Dahil siyun, nuli si Sinikarib tag sa Ninibi ag ati yi pag nangulian.

Isayas 37:38

Pagka sa usa ka sirang, habang magsamba si Sinikarib sa balay niya diyus si Nisruk, minatay siya niya duwa ka anak lalaki sida ni Adramilik ni Sarisir sa panab-anan baladaw bag-u linmayas sida atag sa Ararat. Kay usa niya ka anak si Isarhadun imaw ti nag-ublus kay pagka hari.

Husyas 14:3

Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Galasya 2:4

Bilang madi may manga tawu magpabalhinguun kuntay manga patar-ari, kanda mana gustu turiun si Titu. Magpalakay-lakay waydi sida hampay sulayun nu kabitay kita irinibri ni Kiristu Hisus ginan sa Kasuguan ni Muysis. Kanda gustu kami buwatun panawuhun sa inda pag Kasuguan.

2 Timutiyu 3:8

Tunda pag manga lalaki magtudlu maglaban sa katutuuhanan parihu diman sa kanda ni Hanis ni Hambiris naglaban sa kan Muysis. Udyi sida may pag-isipun kaayadan, nakan nakilala kanda pagsarig kuntay unman may kabuluhan.