Isra 3:4 - Hanunuu

⁴ Idinaus diman nida ti Pista sa Pagpatindug manga Payag angay sa nisurat sa Kasuguan ni Muysis. Ag nagsagda sida manga handug pagsunugun angay sa itinagka pag handug kada sirang.

Isra 3:4 Iomraidhean Croise

1 Krunika 16:37

Ipiniyar ni Dabid sa kan Asap ag sa kay kaparihu manga Libita ti pirmi pagsirbi sa atubangan Kaban Kasunduan Panginuun, angay sa kailangan buwatun kada sirang.

2 Krunika 31:16

Pinakan-an ti tanan manughandug hanggan kanda manga anak lalaki may idad tulu ka timpu paabwat, mag-atag sa Balay Diyus sa pagbuwat kada sirang-sirang buruwatun angay sa garampanun kada gurupu nida. Kaibahan diman sitay ti manga manughandug balaw nakalista sa listahan manga linahi manga manughandug.

Pag-ighit 23:16

“Alalahana diman niyu ti Pista Tig-arani sa panab-anan pagdara sa kangku manga un-an pag tubas niyu tanman. Alalahana diman niyu ti Pista Uryan Ani sa katapusan timpu, nu tipunun yi niyu ti manga tubas sa kanyu tanman.

Pag-ighit 29:38

“Duwa ka karanidu usa ka timpu kay idad ti ihandug nimu sa harandugan sirang-sirang.

Pag-ighit 5:13

Pag-apurahun sida nida manga manugpatigayun magkun, “Kailangan katida diman kay kayamu kanyu mabuwat pag daga pinaganit kada sirang, parihu sa pagbuwatun niyu kaybi katpung pagpakan-an waya kamu dayami.”

Hirimyas 52:34

Ag sirang-sirang pag-ayawan siya hari Babilunya kay pangailangan tugka siya namatay.

Libitiku 23:33

Sinugu Panginuun si Muysis sabihi ti manga Israilita: Sa ika-15 pag sirang sa ikapitu pag bulan umumpisa ti Pista sa Pagbuwat manga Payag, buwata niyu inda sa sulud pitu ka sirang.

Bilang 29:39

“Tuhay di sa kanyu handug sa pagtupad sa kanyu taratu hanggan manga handug buluntad, paghandug diman kamu sa Panginuun sa nakatagka pag manga kapistahan inda pag manga handug: manga handug pagsunugun, manga handug buluntad pag pakaun, manga handug irinmun, ag manga handug para sa mayad pag pakiusa.”

Huwan 7:2

Ati katpung arani yi ti Kapistahan manga Hudiyu, ti Kapistahan sa manga Payag.

Huwan 7:37

Pagka sa katapusan yi pag sirang Kapistahan imaw yi ti pinakamahalaga pag sirang, ati katpung tinmindug si Hisus bag-u sinabi niya sa daraka buka magkun, “Una hintay pag tawu nu magkauwaw, pagsitay siya sa kangku, pag-inum.