Isra 2:2 - Hanunuu

² Ti namunu sa kanda pagbalik sida ni: Surubabil, Hisuwa, Nihimyas, Siraya, Riilaya, Murdukyu, Bilsan, Mispar, Bigbay, Rihum, ag Baana. Inda ti listahan nasakupan Israil nakabalik ginan sa pagkabihag:

Isra 2:2 Iomraidhean Croise

Isra 1:11

Tanan-tanan, manga 5,400 ka kagamitan gintu ag pilak. Dinara inda tanan ni Sisbasar pagka nagbalik siya sa Hirusalim ginan sa Babilunya kaibahan ti iba manga nabihag.

Isra 1:8

Ipiniyar inda ni Hari Sayrus sa kan Mitridat ti taga hamnu niya kaharian. Binilang inda ni Mitridat ag ipinakaun ti listahan sa kan Sisbasar, ti gubirnadur sa Huda.

Isra 2:1

Inda ti manga Israilita sa purubinsiya Huda ti binihag kaybi ni Hari Nabukudunusur ag dinara sa Babilunya. Taynguna, nag-ighit sida sa tunda pag rugar ag nagbalik yi sa Hirusalim hanggan sa kanda sadili manga banwa sa Huda.

Isra 2:3

Manga linahi ni Parus 2,172 Sipatyas 372 Ara 775 Pahat Muab (ginan sa manga magtal-anakan ni Hisuwa ag ni Huab) 2,812 Ilam 1,254 Satu 945 Sakay 760 Bani 642 Bibay 623 Asgad 1,222 Adunikam 666 Bigbay 2,056 Adin 454 Atir (iningarnan diman Isikyas) 98 Bisay 323 Hura 112 Hasum 223 Gibar 95

Isra 3:2

Pagkalawuy ipinatindug maan ti harandugan Diyus Israil hampay masagdahan inda manga handug pagsunugun angay sa isinurat sa Kasuguan ni Muysis kay suruguun. Ti nagpatindug inda sida ni Hisuwa anak ni Husadak ag kay kaibahan pag manga manughandug, hanggan si Surubabil anak ni Salatyil ag kay manga katawuhan.

Isra 4:3

Dapat inda ti isinagut nida ni Surubabil, ni Hisuwa, hanggan manga takinan manga magtal-anakan: “Sinugu kami ni Hari Sayrus taga Pirsiya kuntay bungsudan maan ti Balay Diyus. Dapat unman kamu kaibahan sa pagpabungsud inda para sa kanmi Diyus. Kami lang ti manbungsud inda para sa Panginuun ti Diyus Israil.”

Isra 4:8

Nagsurat diman si Gubirnadur Rihum hanggan si Simsay ti manugsurat tabug sa kan Hari Artasirsis laban sa manga taga Hirusalim. Inda kanda surat: “Mahal Hari Artasirsis, “Un-an sa tanan pagkamustahun nimi kawu, kami kanmu manga suruguun sitay sa purubinsiya isalpan Iyupratis. Kaibahan duy sa manga magpangumusta kanmi kaibahan manga manugpanguna ag manga takinan, hanggan ti manga nasakupan Tripulis, Pirsiya, Irik, Babilunya, ag ti nasakupan Susa sa daga Ilam. Magpangumusta diman ti manga tawu pinaighit sa kanda manga rugar ni Usnapar, ti kilala ag makapangyarihan pag hari Asirya. Inda pag manga nasakupan ipinatahan niya sa banwa Samarya ag sa iba waya pag manga rugar sa isalpan Iyupratis.

Isra 5:2

Nagpatingi sa kanda si Surubabil anak ni Salatyil ag si Hisuwa anak ni Husadak. Nakan ipinarargu nida ti pagbungsud Balay Diyus sa Hirusalim. Inawatan sida duwa ka purupita Diyus.

Isra 8:1

Nagsabi si Isra: Inda ti manga takinan sa manga magtal-anakan nagkuyug sa kangku tabug sa Hirusalim ginan sa Babilunya, katpung kaybi maghari si Artasirsis:

Nihimyas 12:47

Nakan katpung sa panahun ni Surubabil hanggan ni Nihimyas, ti tanan Israilita nagpakaun kanda manga handug para sa manga manugkanta ag manga guwardiya manga sabian Balay Diyus, hanggan diman sa manga Libita. Ginan sa manga magkatanggap nida hinurayan diman manga Libita ti manga lahi ni Aarun.

Nihimyas 7:7

Ti nagpanguna sa kanda pagbalik sida ni Surubabil, Hisuwa, Nihimyas, Asariyas, Raamiyas, Nahamani, Murdukyu, Bilsan, Mispirit, Bigbay, Nihum ag Baana. Inda ti listahan nasakupan Israil nakabalik ginan sa pagkabihag:

Hagay 1:1

Katpung sa un-an pag sirang sa ikan-um pag bulan, sa ikadwa pag timpu kay maghari ni Daryu sa Pirsiya, may sinabi ti Panginuun sa kanda ni Surubabil ag ni Huswi sa panab-anan ni Purupita Hagay. Si Surubabil kay anak ni Salatyil ti Gubirnadur sa Huda, ag si Huswi kay anak ni Hihusadak ti pangulu manughandug.

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

Hagay 1:14

Pinabisug Panginuun ti tagipusuun nida ni Surubabil, ni Huswi, hanggan tanan nakabalik sa Israil pag manga Israilita, hampay ipatindug ti Balay Diyus, kanda Panginuun Makamaskihan.

Hagay 2:21

Magkun siya, “Sabihun nimu sa kan Surubabil tandugun niku ti langit hanggan ti kalibutan.

Hagay 2:4

Dapat pag matutum kamu! Iparargu niyu ti pagbuwat sa Balay Diyus dahil kaibahan niyu aku, ti Panginuun Makamaskihan.

Sakaryas 3:1

Ipinakakit sa kangku Panginuun ti pangulu manughandug si Huswi matindugan sa atubangan anghil Panginuun. Matindugan sa kay sikun baliwa si Satanas hampay bangdanan siya.

Sakaryas 3:3

Mauring kay rutay ni Huswi habang matindugan siya sa atubangan anghil.