Isra 10:1 - Hanunuu

¹ Habang maluhudan magdarangin si Isra sa atubangan Balay Diyus, maglumi siya, magpahayag manga kasalanan nasakupan Israil, mayamu pag manga Israilita lalaki, babayi, hanggan manga kalay-awan ti nagtiripun sa kay palibut. Maglulumian diman sida mabaskug.

Isra 10:1 Iomraidhean Croise

1 Hari 8:30

Patingihi kang darangin hanggan ti darangin nimu nasakupan manga Israilita habang magdarangin kami masranguhan sa inda pag rugar. Patingihi kami asan sa kanmu ulian sa langit. Ag nu masaydan nimu kami, patawada kami.

1 Hari 9:3

Magkun ti Panginuun sa kanya, “Nasaydan niku kanmu darangin hanggan paghagadun sa kangku. Inda pag Balay Diyus kanmu ipinatindug pinili niku bilang rugar nu naan pag dayawun aku hanggan aban. Bantayan niku inda ag pirmi alagaan.

2 Krunika 20:13

Habang matindugan ati sa atubangan Panginuun ti tanan lalaki taga Huda, kaibahan kanda manga asawa kag anak, hanggan kanda manga lapsag,

2 Krunika 20:9

‘Nu may kadamhakan rumas-ug sa kanmi parihu sa lalabanan, sarut, ngatay taglun-us, tumindug kami sa kanmu nabubut-un sa atubang inda pag Balay Diyus nu naan pagdayawun kawu. Manhagad kami kanmu awat sa kanmi kakurian, ag patingihan nimu kami ag iribri.’

Isra 10:6

Bag-u nighit si Isra ginan sa Balay Diyus, nag-ati siya sa sulud-sulud ni Hihuhanan anak ni Ilyasib. Pagka siya ati yi, unman siya nangaun ag nanginum, dahil magruku siya balaw nagmatinupadun ti manga Israilita binmalik ginan sa pagkabihag.

Nihimyas 1:4

Pagka nasaydan niku tida, tinmukaw aku ag nanlumi. Pira ka sirang magpanrukuan aku, unman maghandum karan-unun, hanggan nandarangin sa atubangan Diyus sa langit.

Nihimyas 1:6

Aku kanmu manugsirbi magdarangin sirang yabi para sa nasakupan Israil kanmu manga manugsirbi. Patingihi aku ag saguta kang darangin. Pag-ipaburayhaw niku sa kanmu ti manga kasalanan nimi manga Israilita, hanggan kang manga kasalanan ag ti manga kasalanan niku manga ginurang.

Nihimyas 10:28

Ti iba waya pag nasakupan Israil, hanggan ti manga manughandug, manga Libita, manga guwardiya sa sabian Balay Diyus, manga manugkanta, manga suruguun sa Balay Diyus, hanggan ti tanan napablag sa manga day-uhan mag-uli sa kanmi daga hampay sumunud sa Kasuguan Diyus, hanggan kanda manga asawa ag manga anak may intindi yi,

Nihimyas 8:9

Habang magpatingi ti manga tawu sa pagsabihun sa Kasuguan, maglumi sida. Magkun sa kanda si Gubirnadur Nihimyas, si Manug-asiwa Isra ag ti manugtudlu Kasuguan, hanggan ti manga Libita magpaliwanag sa kanda Kasuguan, “Inda pag sirang banal sa Panginuun niyu Diyus, nakan danga kamu maglumi.”

Kanta 119:136

Masyadu gid kang maglumi dahil unman pagsundun manga tawu kanmu kasuguan.

Kanta 32:5

Bag-u kang itinapat kang manga kasalanan sa kanmu; balaw niku inda ilinihim. Buluntad niku itinapat sa kanmu kang manga kasalanan, ag pinatawad nimu aku.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Danyil 9:20

Parargu aku magdarangin ag magtapat kang manga kasalanan hanggan ti kasalanan niku manga kasimanwa Israilita. Magpanagunsirung aku sa Panginuun niku Diyus para sa kay banal pag bantud.

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Matiyu 3:6

Pagka inaku nida kanda manga kasalanan, kay itinulbaw sida sa sapa Hurdan.

Lukas 19:41

Pagka arani yi si Hisus ag magkaalantaw niya ti banwa Hirusalim, linumian niya ti banwa,

Binwat 10:30

Sinmagut si Kurnilyu magkun, “Nakatlu waya duy, manga kainda ngani palis ti init, aku nagdarangin sa kang balay. Bigla may tinmindug sa kang atubangan usa ka lalaki masilaw kay rutay.

Binwat 21:5

Pagka lawuy pitu ka yabi, nighit maan kami siyun ginan naparargu di kanmi lakaw. Itinibu kami nida tanan, hanggan kanda manga asawa manga anak, tabug sa luwas banwa. Pagka sa baybay yi, linmuhud kami tanan nandarangin.

Ruma 9:2

masyadu kang karukuan balaw mab-ul kang mag-asaydan sa kang tagipusuun, tungkul sa kang manga kanasyun, sa kang manga kasimanwa. Mayad waya abi sa kangku nu saadan yi lang aku miblag ginan sa kan Kiristu basta maribri mana sida.

Diyuturunumiyu 31:12

Tipuna ti manga tawu — ti manga lalaki, ti manga babayi, ti manga kalay-awan, hanggan ti manga day-uhan mag-uli sa kanyu manga banwa — hampay makapatingi sida ag maanad maggalang sa Panginuun niyu Diyus ag pagsunud kaayad sa tanan pag-ipatupad sa inda pag manga sugu.

Huswi 7:6

Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.

Huswi 8:35

Inusa-usa binasa ni Huswi ti manga sugu ni Muysis sa atubangan tanan kadamlan Israil, kaibahan diman ti manga babayi, ti anak hanggan ti manga day-uhan mag-uli kaibahan nida.