Isra 1:8 - Hanunuu

⁸ Ipiniyar inda ni Hari Sayrus sa kan Mitridat ti taga hamnu niya kaharian. Binilang inda ni Mitridat ag ipinakaun ti listahan sa kan Sisbasar, ti gubirnadur sa Huda.

Isra 1:8 Iomraidhean Croise

Isra 1:11

Tanan-tanan, manga 5,400 ka kagamitan gintu ag pilak. Dinara inda tanan ni Sisbasar pagka nagbalik siya sa Hirusalim ginan sa Babilunya kaibahan ti iba manga nabihag.

Isra 2:2

Ti namunu sa kanda pagbalik sida ni: Surubabil, Hisuwa, Nihimyas, Siraya, Riilaya, Murdukyu, Bilsan, Mispar, Bigbay, Rihum, ag Baana. Inda ti listahan nasakupan Israil nakabalik ginan sa pagkabihag:

Isra 5:14

Iinuli diman niya ti manga gintu ag pilak pag manga kagamitan sa Balay Diyus. Inda pag manga kagamitan bin-ul ni Nabukudunusur kaybi sa Balay Diyus Hirusalim ag ipinauli niya sa balay diyus-diyusan sa Babilunya. Ipiniyar ni Hari Sayrus inda pag manga kagamitan sa kan Sisbasar ti pinili niya gubirnadur Huda.

Isra 5:16

Nakan nag-ati ngani si Sisbasar sa Hirusalim ag ibinungsud niya ti manga paratukawan Balay Diyus. Tugka kainda pag-ibungsud waya ti Balay Diyus; udwaya inda natapus.’

Isra 5:2

Nagpatingi sa kanda si Surubabil anak ni Salatyil ag si Hisuwa anak ni Husadak. Nakan ipinarargu nida ti pagbungsud Balay Diyus sa Hirusalim. Inawatan sida duwa ka purupita Diyus.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hagay 1:1

Katpung sa un-an pag sirang sa ikan-um pag bulan, sa ikadwa pag timpu kay maghari ni Daryu sa Pirsiya, may sinabi ti Panginuun sa kanda ni Surubabil ag ni Huswi sa panab-anan ni Purupita Hagay. Si Surubabil kay anak ni Salatyil ti Gubirnadur sa Huda, ag si Huswi kay anak ni Hihusadak ti pangulu manughandug.

Hagay 1:14

Pinabisug Panginuun ti tagipusuun nida ni Surubabil, ni Huswi, hanggan tanan nakabalik sa Israil pag manga Israilita, hampay ipatindug ti Balay Diyus, kanda Panginuun Makamaskihan.