Isra 1:2 - Hanunuu

² “Inda kay pagsabihun ni Hari Sayrus taga Pirsiya: “Ipinakaun sa kangku Panginuun, Diyus kalangitan, ti tanan pag kaharian sitay sa kalibutan, ag ikinatiwala niya sa kangku ti pagpatindug Balay Diyus para sa kanya ati sa Hirusalim sakup Huda.

Isra 1:2 Iomraidhean Croise

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

2 Krunika 2:12

Dayawun ti Panginuun, ti Diyus Israil, ti naglalang langit ag daga! Pinakan-an niya si Hari Dabid matinudukun pag anak, punu kaalaman ag pan-intindi, ti mamatindug Balay Diyus para sa Panginuun hanggan balay para sa kay sadili.

Isra 1:5

May manga Israilita tinandug Diyus hampay bumalik sa Hirusalim. Nakan nag-alistu sida umatag hampay ipatindug ti Balay Diyus Panginuun. Kaibahan nida ti manga takinan magtal-anakan sa lahi ni Huda hanggan sa lahi ni Binhamin. Kaibahan diman nida ti manga manughandug sa Balay Diyus, hanggan ti manga Libita.

Isra 3:7

Nagpakaun ti manga Israilita kuwarta pamayad sa manga manugbagasbas batu hanggan sa manga manugpanday. Namakaun diman sida manga karan-unun, irinmun, hanggan lana ulibu pamayad sa manga taga Sidun ag taga Tiru para sa manga kayu sidru ginan sa Libanun. Inda pag manga kayu ikarga sa manga barku ag daran-un sa Hupa. Pinahintulutan inda ni Hari Sayrus taga Pirsiya.

Isra 4:3

Dapat inda ti isinagut nida ni Surubabil, ni Hisuwa, hanggan manga takinan manga magtal-anakan: “Sinugu kami ni Hari Sayrus taga Pirsiya kuntay bungsudan maan ti Balay Diyus. Dapat unman kamu kaibahan sa pagpabungsud inda para sa kanmi Diyus. Kami lang ti manbungsud inda para sa Panginuun ti Diyus Israil.”

Isra 5:15

Sinabi hari sa kan Sisbasar kuntay bungsudan maan ti Balay Diyus sa Hirusalim sa kay daan diman nagkabungsudan, bag-u paulian ati kay manga kagamitan.

Isra 6:10

hampay makahandug sida manga handug pag-ikabaya Diyus kalangitan, ag maidarangin nida aku hanggan kang manga anak.

Isra 6:3

“Inda pag kasuratan magpaalaala sa un-an pag timpu paghari ni Sayrus, nagsugu siya bungsudan uman ti Balay Diyus sa Hirusalim nu naan pag pag-isagda ti manga handug. Kailangan mapag-un kay paratungtungan balay inda. Ag kailangan 60 ka luk-an siku kay abwat ag 60 diman ka luk-an siku kay kaluang.

Isra 7:12

“Aku si Hari Artasirsis ti hari manga hari. Magpangumusta aku sa kanmu, Isra, manughandug ag manugtudlu sa Kasuguan Diyus sa kalangitan.

Nihimyas 1:4

Pagka nasaydan niku tida, tinmukaw aku ag nanlumi. Pira ka sirang magpanrukuan aku, unman maghandum karan-unun, hanggan nandarangin sa atubangan Diyus sa langit.

Nihimyas 1:5

Magkun aku, “Panginuun, Diyus sa langit, makamaskihan kawu ag makadululaw pag Diyus. Pagtupadun nimu kanmu kasunduan may pagmahal sa manga magmahal sa kanmu ag magtupad sa kanmu manga sugu.

Kanta 136:26

Pasalamati ti Diyus asan sa langit. Kay pagmahal unman may katapusan.

Kanta 85:2

Pinatawad nimu ti kadautan nimu nasakupan; bin-ul nimu ti tanan nimi manga kasalanan.

Kabagawan 21:1

Ti kaisipan hari parihu sa danum sa sapa pag-amparahun Panginuun kay magbulus. Pag-amparahun niya angay sa kay kagustuhan.

Isayas 41:2

Si unu ti nagpadara usa ka tawu ginan sa butlakan ag nagpakaun sa kanya panalu sa labanan, una naan siya pag umatag? Si unu ti nagpasakup sa kanya sa manga hari ag manga nasyun? Winayak niya ti manga nasyun ag pinanmatay ti manga hari sa panab-anan baladaw ag ugyung. Ag inda nagbaliw ga taypuk pag ipayag durus.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Isayas 45:1

Pinili si Sayrus Panginuun hampay pabisugun kay kapangyarihan, ag hampay sakupun ti manga nasyun, taluhun ti manga hari. Bukasan niku ti manga sabian nida banwa bag-u agawun, danga yi tunda pagtalakpi. Inda ti pagsabihun Panginuun sa kan Sayrus:

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 27:5

Sa panab-anan niku kamaskihan linalang niku ti kalibutan, ti manga tawu hanggan ti manga hayup. Aku ti may karampatan nu si unu kang piyaran inda.

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Danyil 1:21

Nagparargu sa pagsirbi si Danyil sa kaharian Babilunya tugka sa un-an pag timpu sa kay maghari ni Sayrus.

Danyil 2:21

Siya ti magbag-u sa manga panahun. Siya ti mag-udyuk nu si unu ti humari ag siya diman ti mag-ilis sa kanya. Siya ti magpakaun kadunungan sa manga dunungin.

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 4:32

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.”

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Danyil 6:25

Bag-u nagsurat si Hari Daryu sa tanan manga tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu mana ti kahusayan ag pag mayad gid kanyu kahamtangan.

Hunas 1:9

Sinmagut si Hunas, “Hibriyu aku ag magsamba aku sa Panginuun, ti Diyus sa langit ti naglalang dagat hanggan daga.”