Isayas 9:7 - Hanunuu

⁷ Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Isayas 9:7 Iomraidhean Croise

2 Samwil 7:16

Pumarargu kanmu kaharian hanggan aban; kanmu linahi pumarargu humari sa unman may katapusan.’ ”

2 Hari 19:31

Dahil may manga masawad buhi magkarawayak ginan sa Hirusalim, sa Bantud Siun. Siguraduhun gid Panginuun Makamaskihan matupad inda.

Kanta 2:8

Hagada nimu sa kangku ti manga nasyun tugka sa pinakaarayu pag bahagi kalibutan, ag tupadun niku inda ipakaun sa kanmu.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 16:5

Ag humari ti usa sa manga linahi ni Dabid matinupadun ag may pagmahal. Ipalantap niya ti katadlungan sa kay magpihu. Sigidas siya sa pagbuwat matadlung.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 37:32

Dahil may manga masawad buhi mangalat ginan sa Hirusalim, sa Bantud Siun. Pihuun gid Panginuun Makamaskihan matupad inda.

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 42:13

Gumira ti Panginuun ga usa ka sundalu alistu yi gid lumaban. Manringgit siya bilang pasandam girahan yi, ag manalu siya sa kay manga kalaban.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Hagay 2:9

Nakan lalu waya ruminu ti bag-u pag Balay niku kaysa kabag-u. Ipakaun waya niku sa inda pag rugar ti kaariwayahan. Aku, ti Panginuun Makamaskihan, ti magsabi inda.”

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Huwan 12:34

Nagsabi ti manga tawu sa kanya magkun, “Naalaman nimi sa kanmi Kasuguan magkun, ti Pinili Diyus Manugribri pag Hari unman gid mamatay hanggan aban. Kabitay duy kanmu pagsabihun kuntay kailangan mamatay ti Anak Tawu? Si unu nguna tunda pag Anak Tawu?”

Hibriyu 1:8

Dapat nu tungkul sa Anak kay sinabi, “Diyus, kanmu katungkulan sa maghari unman may katapusan hanggan waya aban. Ti kamaskihan sa kanmu maghari imaw ti matadlung pag kamaskihan.

Hibriyu 7:24

Dapat si Hisus ud may katapusan kay buhi, nakan siya makahandug ud magkailsan hanggan waya aban.

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.