Isayas 9:6 - Hanunuu

⁶ Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Isayas 9:6 Iomraidhean Croise

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

2 Samwil 7:16

Pumarargu kanmu kaharian hanggan aban; kanmu linahi pumarargu humari sa unman may katapusan.’ ”

1 Hari 10:9

Dayawun ti Panginuun nimu Diyus, magbaya sa kanmu ag nagpauli sa kanmu sa kaharian Israil. Dahil unman may katapusan ti pagmahal Panginuun sa Israil, binwat niya kawu hari hampay humari kawu may katuwiran ag katadlungan.”

1 Hari 2:33

Siya hanggan kay manga linahi managut tugka aban sa pagkamatay inda pag manga tawu. Dapat kang ama si Dabid hanggan kay manga linahi ag kay kaharian pakan-an mayad pag kahamtangan tugka aban.”

1 Hari 2:45

Dapat aku papaladan Panginuun, hanggan ti kaharian niku ama ni Dabid parargu niya parig-unun tugka aban.”

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Kanta 45:3

Sabakan kanmu baladaw, makapangyarihan pag hari; makamaskihan kawu ag paggalangun.

Kanta 45:6

Kanmu kaharian, Diyus, balaw gid may katapusan, ag matadlung kanmu magpanguna sa kanmu kaharian.

Kanta 45:7

Magkaibug kawu sa matadlung, dapat magkadaut kawu sa kadautan. Nakan pinili kawu Diyus, nimu Diyus, ag pinakan-an kabayaan labaw man kaysa ipinakaun niya sa kanmu manga kaibahan.

Kanta 50:1

Ti Panginuun, makamaskihan pag Diyus, magbagaw ag magtawag sa manga tawu una naan pag bahagi kalibutan.

Kanta 72:17

Mana balaw malimtan ti ngaran hari tugka aban, habang may init waya. Mana sa panab-anan niya, papaladan ti tanan nasyun, ag ti manga nasyun sumabi sa kanya mapalad.

Kanta 72:3

Mana ti kabantudan pumakaun papalad sa kanmu nasakupan dahil magkabuhi sida matadlung.

Kanta 72:7

Sa kay udas maghari, mana lumuntad ti katadlungan ag pagmayad ti kahamtangan manga tawu tugka aban.

Kanta 85:10

Ti pagmahal ag ti katapatan magkaraminsan, katunda diman ti katadlungan ag ti kahusayan.

Kanta 89:5

Panginuun, ti manga taga langit pag linalang dumayaw sa kanmu makadululaw pag manga buwat ag sa kanmu katapatan.

Kabagawan 8:23

Hinistuda yi niya aku sa kabag-u di waya. Daan di aku udwaya ti kalibutan: ti dagat, ti manga bulbugan, ti manga bantud, ti manga tagudtud, hanggan manga katanmanan una waya ti manga galbuk.

Isayas 11:5

Ipalantap niya ti katadlungan hanggan ti katutuuhanan, inda ti pinagka huragkus niya.

Isayas 16:5

Ag humari ti usa sa manga linahi ni Dabid matinupadun ag may pagmahal. Ipalantap niya ti katadlungan sa kay magpihu. Sigidas siya sa pagbuwat matadlung.

Isayas 26:12

Panginuun, pakan-i duy nimu kami mayad pag kahamtangan, dahil ti tanan nimi magkabuwat, magkabuwat nimi dahil sa awat nimu.

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 28:29

Inda pag kinaalman ginan sa Panginuun Makamaskihan. Mayad kay manga paanyu, makadululaw kay kinaalman.

Isayas 32:1

May usa ka hari humari may katadlungan, kay manga takinan mandumara may kahusayan.

Isayas 37:32

Dahil may manga masawad buhi mangalat ginan sa Hirusalim, sa Bantud Siun. Pihuun gid Panginuun Makamaskihan matupad inda.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 53:2

Kagustuhan Panginuun kay manugsirbi lumangba parihu sa manga tanum, maggamut sa mamara pag daga. Unman siya may rinu ngatay ikadulaw hampay kita ibugun sa kanya hampay siya pakaranyan.

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Isayas 66:12

Dahil magkun ti Panginuun, “Paunladun niku ti Hirusalim. Darahun tag sa kanya ti kasiyunan ginan sa iba nasyun ga maglapwas pag bululusan danum. Miparihu kamu sa lapsag asikasuhun mayad, hiyaptan, ipasusu, ag sapupwun niya ina.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 8:18

Aku hanggan kang manga anak ipinakaun Panginuun imaw ti manga palatandaan para sa Israil ginan sa Panginuun Makamaskihan mag-uli sa Bantud Siun.

Hirimyas 31:22

Kapira waya kamu pag bumalik sa kangku, manga anak niku magtalang? Mamuwat aku bag-u pag manga bagay sa kalibutan, babayi yi ti manginapin sa lalaki.”

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Hagay 2:9

Nakan lalu waya ruminu ti bag-u pag Balay niku kaysa kabag-u. Ipakaun waya niku sa inda pag rugar ti kaariwayahan. Aku, ti Panginuun Makamaskihan, ti magsabi inda.”

Matiyu 1:1

Inda ti listahan gimpuunan lahi ni Hisu-Kiristu, ginan sa linahi ni Dabid, ginan diman waydi sa linahi ni Abraham.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Lukas 1:35

Sinmagut ti anghil magkun, “Pumakababa tag sa kanmu ti Ispiritu Banal, humamuy sa kanmu ti kapangyarihan Diyus Makamaskihan, nakan ti anak ianak aban pagsabihun banal, ti Anak Diyus.

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:16

Unman may kinatabwanan ti kaayadan kay ipinapalad sa kanta dahil sa kay lubus mayad nabubut-un.

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Ruma 9:5

Sida minamat nida ni Abraham ni Isaak ni Hakub. Bag-u siti diman waydi ginan pag linahi si Kiristu sa kay pagkatawu, imaw ti Diyus makamaskihan sa tanan, siya ti pagdayawun hanggan waya aban. Amin.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 15:25

Dahil kailangan si Kiristu tigpamahala hanggan sa udwaya mipauli Diyus sa sirung raprapa ni Kiristu ti tanan niya kalaban.

2 Kurintu 5:19

Kanmi ibug sabihun, ginan sa kan Kiristu nipausa Diyus ti taga kalibutan sa kanya. Udyi pag-alalahanun niya kanda manga kasalanan. Ipiniyar Diyus sa kanmi inda pag barita hampay ti manga tawu ipausa ngani sa kanya.

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Kulusas 2:3

Sa kanya pag nakapundu ti lubus mahalaga pag kadunungan hanggan kaalaman.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 1:8

Dapat nu tungkul sa Anak kay sinabi, “Diyus, kanmu katungkulan sa maghari unman may katapusan hanggan waya aban. Ti kamaskihan sa kanmu maghari imaw ti matadlung pag kamaskihan.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Talaghusay 13:18

Nagsagut ti anghil, “Hayga gustu gid niyu maalaman kang ngaran? Makuri inda intindihun.”