Isayas 9:5 - Hanunuu

⁵ Makabaya diman sida dahil umapas yi ti girahan. Irubun yi ti manga pan-gira pag rutay manga sundalu pasay dugu, hanggan kanda manga lapak.

Isayas 9:5 Iomraidhean Croise

Gimpuunan 32:30

Iningarnan ni Hakub tunda pag rugar Pinwil, dahil magkun siya, “Nakitan niku ti uyahun Diyus dapat buhi di aku.”

Kanta 46:9

Pag-amparahun niya ti manga girahan sa buu kalibutan. Pagpamariun niya ti manga pamana ag manga bangkaw, ag pag-irubun ti manga panangga.

Kanta 72:3

Mana ti kabantudan pumakaun papalad sa kanmu nasakupan dahil magkabuhi sida matadlung.

Pag-ighit 23:21

Pagpatingi kamu sa kanya ag sunda kay pagsabihun. Danga kamu maglaban sa kanya. Dahil ti tanan niya pagbuwatun, pagbuwatun niya sa kang ngaran, ag balaw niya patawadun kanyu manga kasalanan.

Isayas 13:4

Patingihi niyu ti iringayan mayamu tawu sa bantud. Patingihi niyu ti iringayan manga kaharian hanggan nasyun magtiripun. Pagtipunun Panginuun Makamaskihan kay manga sundalu para sa girahan.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Isayas 4:4

Sa panab-anan kamaskihan ag maglabdab pag parusa Panginuun, pihuun niya ag lumpiyuhun ti kadautan manga babayi sa Hirusalim hanggan ti manga maratyan ati.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 47:3

Madnugan nida ti iringayan talagalpakan hanggan manga daguldul manga kabayu ag manga kalisa. Balaw yi mangaliwliw kay manga ama hampay awatan kanda manga anak dahil sa dala.

Huwil 2:5

Kay tunug kanda mag-utbaw sa babaw manga bantud ga manga kalisa magpalalagiwan ga tunug magkairub dayami. Parihu sida sa makapangyarihan pag sundalu alistu man-gira.

Libitiku 3:11

Inda tanan sunugun manughandug sa harandugan bilang handug karan-unun. Inda handug sa panab-anan apuy para sa Panginuun.

Libitiku 3:16

Inda tanan sunugun manughandug sa harandugan bilang handug karan-unun. Kay hungaw tunda pag handug sa panab-anan apuy makapasulung gid sa Panginuun. Para sa Panginuun ti tanan pag taba.

Mikas 5:1

Manga taga Hirusalim, alistuhan niyu kanyu manga sundalu, dahil nasangputan yi kamu manga kalaban. Bakulun nida sugkud ti uyahun takinan Israil.

Nahum 3:2

Girahun gid sida nida kalaban. Masaydan nida ti lagitis manga latigu sa manga kabayu, ti magkarayakaan manga gulung manga kalisa, ti talagalpakan manga lulud manga kabayu, hanggan ti dalaguldulan manga kalisa.

Matiyu 3:11

Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Binwat 2:19

Pumakakit aban aku manga makadululaw sa langit ati sa tungud ag manga tanda sa sirung langit sa babaw daga, dugu ngani, apuy ag magtalimbuuk pag anus.

Binwat 2:3

Bag-u may nakitan sida manga ga labdab apuy magbululagan nagrugpu sa kada usa sa kanda.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Talaghusay 13:18

Nagsagut ti anghil, “Hayga gustu gid niyu maalaman kang ngaran? Makuri inda intindihun.”

1 Samwil 14:19

Habang maghampang si Saul sa manughandug, lalu waya gid inmamat ti riringgitan ag kalaguluhan sa kampu manga Pilistiyu nakan magkun si Saul sa kan Ahiyas, “Pabay-ani yi nimu. Danga yi pagpararguhan ti pagpaingana sa Diyus.”