Isayas 9:20 - Hanunuu

²⁰ Una hintay pag karan-unun kanda makitan, bul-un di nida ag kan-un, dapat balaw diman sida mabsug. Nakan kan-un yi nida una kanda manga anak.

Isayas 9:20 Iomraidhean Croise

Manugtudlu 4:5

Ti kurang sa intindi pag tawu bugyahin, harus mamatay siya sa lun-us.

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 14:30

Ti manga pugri niku pag nasakupan pakaunun niku ag pakan-an pahari balaw may pagkadalaan. Dapat pabay-anan niku mamatay sa lun-us kanmu manga linahi, ag ti masawad sa kanda matyun diman gid niku.

Isayas 3:1

Pagpatingi kamu! Bul-un Panginuun Diyus Makamaskihan ti tanan pagsarigan manga taga Hirusalim hanggan taga Huda: ti karan-unun ag ti danum nida,

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 51:19

Duwa ka kakurian ti nangyari sa kanmu: Nawayak kawu dahil sa girahan, ag nag-agwanta sa lun-us kanmu manga nasakupan. Unman may nasawad sa manga nasakupan nimu ti mangalaga ag mamasulung sa kanmu.

Isayas 8:21

Lumakaw sida magkagasa ag magkalun-us. Ag dahil sa lun-us, mangisug sida ag saadan ti hari nida hanggan kanda Diyus. Una manangda sida sa langit

Isayas 8:22

aw ngatay mangusdung sa daga ud may makitan nu ud kakurian ag kadudulman. Ati sida pagdarahun sa masyadu pag kadudulman.

Hirimyas 13:14

Panlintugun niku sida sa usa kag usa, ti gurang ag ti anak. Balaw gid aku maawa sa pagmatay sa kanda. Aku, ti Panginuun ti magsabi inda.’ ”

Hirimyas 19:9

Sangputun manga kalaban inda pag banwa tugka sa kay manga nasakupan siyun matabwan karan-unun. Nakan kan-un nida kanda kaparihu hanggan kanda sadili anak.’ ”

Karukuan 4:10

Pagka rinmas-ug ti kadamhakan sa kang manga kasimanwa, una ti maawaun pag manga ina tinama kanda sadili manga anak hampay kan-un dahil sa masyadu pag lun-us.

Mikas 6:14

Mangaun kamu, dapat unman kamu mabsug; paglun-usun di kamu. Manhamnu kamu kanyu manga inani, dapat unman niyu inda mapakinabangan, dahil ipaagaw niku tunda sa kanyu manga kalaban.

Sakaryas 11:9

Bag-u magkun aku sa manga karanidu, “Bukun yi aku ti manug-alaga niyu. Pabay-ani mamatay ti manga maghingagaw ag midamhak ti manga mag-iridamhak. Ag ti manga masawad pabay-ani man-ngaran-an sa kanda kaparihu nayi.”

Markus 3:24

Dahil nu maglalabanan ti manga sakup kaharian, pihu marangga aban tunda pag kaharian.