Isayas 9:18 - Hanunuu

¹⁸ Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Isayas 9:18 Iomraidhean Croise

1 Hari 16:21

Natunga ti nasakupan Israil sa duwa ka gurupu. Kay usa ka gurupu gustu bumaliw hari si Tibni kay anak ni Ginat, kay usa ka gurupu waydi gustu si Umri.

Kanta 37:20

Dapat ti manga daut midamhak. Sida pag manga kalaban Panginuun magkaramatay parihu sa busang. Magkaradura sida ga anus.

Kanta 68:2

Tabuga sida parihu sa anus pag-ipayag durus. Rurisa sida pag manga daut sa kanmu atubangan, parihu sa kandila magkatunaw sa apuy.

Kanta 83:14

Bukada sida bag-u padalaa nimu bagyu parihu sa apuy mag-irub sa manga kapuruan sa kabantudan.

Isayas 1:31

Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 27:4

Balaw yi aku magkagalit sa inda pag ubasan. Dapat sa udas may makitan aku manga halaman may dugi, bul-un niku tida ag sunugun.

Isayas 3:5

Apihun kada usa kay kaparihu. Labanan manga anak ti manga gurangun, ag labanan manga makuri ti garalangun pag manga tawu.

Isayas 30:30

Ipadnug Panginuun ti madala niya pag busis. Ipakakit niya kay kamang alistu yi pumarusa sa masyadu niya pag isug. Dunganan niya inda maglabdab pag apuy, kadaka bumuhus ti uran, ti linti, ti kilat, hanggan uran yilu ga manga batu.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 33:12

Masunug kamu tugka sa bumaliw parihu sa apug. Miparihu kamu sa madugi pag halaman pinukan ag tinutdan.

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 50:11

Dapat pag-aman kamu, kamu pag magpamakut, danga kamu magsarig sa sadili hiyaput! Panginuun gid ngapu ti pumarusa sa kanyu; magkaramatay kamu sa masyadu pag parusa.

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

Husyas 13:3

Nakan madura kamu parihu sa anitay ngatay sa tun-ug sa surip, ngatay parihu sa upa sa giukan pag-ipayag durus ngatay anus magluwang sa kay ahusan.

Huwil 2:20

Paighitun niku ti manga man-gira sa kanyu ginan sa kanaway ag itibu niku sida sa pangawakawaan. Bugawun niku ti kabag-u nida pag kaban tag sa Dagat Namatay ag ti uryan pag kaban bugawun niku tag sa Dagat Miditiranyu. Ag mabuyuk kanda manga bangkay.” Makadululaw gid ti binwat Panginuun.

Huwil 2:3

Dasun-dasun rinmugpu ti manga apan ga apuy. Bag-u sida rinmas-ug, ti daga parihu sa halamanan Idin. Pat-ay pagka rinugpuan nida nagbaliw ga pangawakawaan. Unman sida may sinawadan.

Amus 7:4

May ipinakakit waya ti Panginuun Diyus sa kangku: Nakitan niku nag-alistu siya hampay parusahan kay nasakupan sa panab-anan apuy. Bag-u pinamara apuy ti bulbugan danum ginan sa sirung daga, ag inirub ti tanan asan sa daga Israil.

Ubadyas 1:18

Ti manga linahi nida ni Hakub ni Husi bumaliw ga apuy maghirut sa linahi ni Isaw, parihu sa mag-irub sa dayami. Udyi may masawad sa linahi ni Isaw.” Pihu gid matupad inda, dahil aku, ti Panginuun, ti magbagaw inda.

Nahum 1:10

Parihu kamu sa manga langu masabudan sa dugihan pag halaman. Rurisun gid kamu parihu sa magtutud dayami.

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Diyuturunumiyu 32:22

Dahil kang pangagalit maglabdab ga apuy. Mag-irub inda sa daga ag sa tanan asan, hanggan sa kaabasad-basadan daga, ag sa manga paratungtungan manga bantud.

Hibriyu 6:8

Dapat nu tunda pag daga tubuan manga ilamnun dugihan kay iba, unman may gana tida pag daga ag udyi dugay aban saadan yi Diyus pihu irubun aban apuy.

Ipinakakit 14:11

Ti apuy magpakuri sa kanda, magtalimbuuk ti anus hanggan waya aban. Sirang yabi unman may pahari sa kakurian ti manga nagsamba sa hayup malangas ag sa kay tawu-tawu ag una hintay ti nagtanggap sa kay marka.”