Isayas 9:12 - Hanunuu

¹² Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Isayas 9:12 Iomraidhean Croise

2 Hari 16:6

Sa ati pag udas, nabawi ni Hari Risin taga Aram ti Ilat sa pagpaighit sa nasakupan Huda. Bag-u napahalin atabug sa Ilat ti iba manga Aramiyu, ati sida pag nangulian taynguna tugka.

2 Krunika 28:18

Tuhay waya sitay, ginira diman manga Pilistiyu ti manga banwa Huda ati sa manga katagudtudan sa isalpan ag ati sa Nigib. Naagaw nida ti Bit Simis, Ayalun, Gidirut, Suku, Timna, ag Gimsu, hanggan ti manga banwa sa kay sangput inda; ag ati yi sida pag nangulian.

Kanta 79:7

Dahil pinanmatay nida kanmu nasakupan ag ipinadamhak kanda nasyun.

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 11:14

Mirinsan sida gumira sa manga Pilistiyu sa isalpan. Girahun diman nida ti manga nasyun sa butlakan ag agawun nida kay manga kasiyunan. Sakupun nida ti Idum ag Muab hanggan ti manga Amuriyu pumasakup diman sa kanda.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Isayas 9:21

Mangarawayan ti Manasis ag ti Ipraim, ag girahun nida duwa ti Huda. Dapat ti pangagalit Panginuun balaw gid madura, alistu di gid siya pumarusa sa kanda.

Hirimyas 10:25

Ipasamit duy nimu kanmu pangagalit sa manga nasyun balaw magkilala sa kanmu hanggan sa manga tawu balaw magdulud sa kanmu. Dahil tinabu duy nida ti linahi ni Hakub, ag pinandaut kay manga ulian nida.

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 35:11

Dapat pagka naggira si Hari Nabukudunusur sa Babilunya sa inda pag nasyun, nadala kami sa manga sundalu Babilunya hanggan Aram, nakan nagpasya kami malagiw ag umatag sa Hirusalim. Inda kay dahilan nakan nangulian kami atay sa Hirusalim.”

Hirimyas 4:8

Nakan isulung yi niyu ti rutay panhimanglaw bag-u paglumi dahil masyadu waya ti isug Panginuun sa kanta.

Isikil 16:27

Nakan pinarusahan niku kawu ag pinadiit kanmu nasakupan. Ipinakaun niku kawu sa kanmu manga kalaban manga Pilistiyu, ag una sida nadulaw sa kanmu mahalay pag buruwatun.

Isikil 6:14

Parusahan niku sida una naan sida pag mangulian, ag buwatun niku mapanglaw kanda daga ginan sa pangawakawaan sa kanaway atabug sa Dibra sa salatan. Bag-u maalaman nida aku ti Panginuun.”

Husyas 7:10

Kanda magpadayaw-dayaw ti magpatutuu dapat sida parusahan. Lang madi nangyari inda tanan sa kanda, unman gid sida nagbalik ag nagdangup sa kangku, ti Panginuun kanda Diyus.

Amus 4:10

“Pinadarahan niku kamu manga sarut parihu sa ipinadara niku kaybi sa Ihiptu. Ipinamatay niku kanyu manga kalay-awan lalaki sa girahan ag ipinabihag niku kanyu manga kabayu. Pinakurianan diman niku kamu sa buyuk manga namatay sa kanyu manga kampu. Dapat unman diman kamu nagbalik sa kangku. Aku, ti Panginuun, ti magsabi inda.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Amus 4:6

“Aku ti nagpadara taglun-us sa kanyu hanggan sa tanan niyu manga banwa, dapat unman diman kamu nagbalik sa kangku. Aku, ti Panginuun, ti magsabi inda.

Amus 4:8

Dahil sa magpanlumuy, mantalayib-layib kamu sa kahanap danum irinmun. Pasalyu-salyu kamu sa manga banwa sa kahanap danum, dapat balaw kang-ud kanyu mab-ul. Lang madi katida, unman diman kamu nagbalik sa kangku. Aku, ti Panginuun, ti magsabi inda.

Amus 4:9

“Mayamu yi bisis dinaut niku kanyu manga tanum sa panab-anan mainit pag durus ag manga sarut. Rinugpuan manga apan kanyu manga puun kayu igus hanggan ulibu. Dapat unman diman kamu nagbalik sa kangku. Aku, ti Panginuun, ti magsabi inda.

Sipanyas 1:6

Papasun niku ti manga magpatlikud ag unman magdangup sa kangku.

Sipanyas 3:2

Unman sida magpatingi una sa kantapu, ag dayu sida magpatudlu. Unman sida magsarig sa Panginuun kanda Diyus, unman magdangup sa kanya.

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’