Isayas 9:11 - Hanunuu

¹¹ Nakan ipagira sida Panginuun sa manga taga Asirya imaw ti kalaban ni Hari Risin.

Isayas 9:11 Iomraidhean Croise

2 Hari 15:29

Pagka sa udas maghari si Pika, ginira ni Hari Tiglat Pilisir taga Asirya ti Israil, ag inagaw niya ti banwa Iyun, Abil Bit Maaka, Hanuwa, Kidis, ag Hasur. Naagaw diman niya ti Gilyad, Galiliya, ag ti tanan daga Niptali. Ag dinara niya kay manga nasakupan sa Asirya bilang bihag.

2 Hari 16:9

Nagpasnu ti hari Asirya sa pakihampang ni Akas, nakan ginira niya ti Damasku ag nasakup inda. Dinara niya sa Kir kay manga nasakupan siyun bilang manga bihag, ag minatay niya si Risin.

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 28:1

Kaawaawa ti Samarya, parihu sa sangbaw busang kayu kadayawan manga manuglangu pag takinan manga taga Israil. Ti banwa Samarya sa maabunda pag karatagan, dapat kay karinuan madura parihu sa busang magkarubay.

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 7:1

Katpung si Akas anak ni Hutam laki ni Usyas ti Hari sa Huda, ginira duy ti Hirusalim. Ginira duy tunda ni Hari Risin taga Aram hanggan ni Hari Pika taga Israil, anak ni Rimalya. Dapat balaw nida naagaw ti Hirusalim.

Isayas 7:8

Dahil ti Damasku takinan lang banwa Aram, ag si Risin sa Damasku lang pag hari. Ag ti Samarya takinan lang banwa Israil, si Pika kay anak ni Rimalya sa Samarya lang pag hari. Tungkul waydi sa Israil, mawayak inda sa sulud 65 ka timpu, ag balaw yi inda ingarnan nasyun. Nu balaw marig-un kanyu pagsarig sa Diyus, pihu midamhak kamu.’ ”