Isayas 9:10 - Hanunuu

¹⁰ “Una waydi mawayak kanmi manga ipinatindug balay buwat sa daga pinaganit ag kayu sikumuru, ilisan di nimi tunda batu ag kayu sidru.”

Isayas 9:10 Iomraidhean Croise

1 Hari 10:27

Pagka sa udas siya ti hari, ti pilak sa Hirusalim ga parihu lang sa karaniwan manga batu, ag ti kayu sidru ga parihu ka abunda sa karaniwan pag manga kayu sikumuru sa manga kabantudan sa isalpan.

2 Hari 16:9

Nagpasnu ti hari Asirya sa pakihampang ni Akas, nakan ginira niya ti Damasku ag nasakup inda. Dinara niya sa Kir kay manga nasakupan siyun bilang manga bihag, ag minatay niya si Risin.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Malakyas 1:4

“Nu sumabi ti manga Idumita, ‘Una dinaut kanmi rugar ipatindug di maan nimi inda.’ Aku, ti Panginuun Makamaskihan, magkun: Una ipatindug waya maan nida kanda rugar, dautun di gid niku inda. Ingarnan sida ‘daut pag nasyun’ ag ‘manga nasakupan pirmi pagkagalitan Panginuun.’

Lukas 19:4

Nag-ambang siya sa kan Hisus, dinmayik sa kayu sikumuru hampay makitan niya si Hisus, dahil siya lumakaw ati pag dalan.