Isayas 8:19 - Hanunuu

¹⁹ Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Isayas 8:19 Iomraidhean Croise

Gimpuunan 41:24

Kinaun yupa ti pitu ka mapugnung pag uhay. Itinultul yi niku inda sa manga manughula, dapat unman una di usa ti nakatultul kay ibug sabihun inda.”

2 Hari 1:3

Nakan magkun ti anghil Panginuun sa kan Ilyas taga Tisbi, “Sulanga nimu ti manga sinugu hari taga Samarya ag sabiha inda sa kanda: Hayga kamu mangatag mamaingana sa kan Baal Sibub, ti diyus-diyusan taga Ikrun? Unman yi aw lugud may Diyus sa Israil?

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

2 Hari 23:24

Pinalayas diman ni Husyas sa Huda ag Hirusalim ti manga pandaniwan maghampang sa karadwa namatay, ti manga diyus manga magtal-anakan, ti tuhay waya pag manga diyus-diyusan, ag ti tanan mayagting pag pagsambahun manga tawu. Binwat inda ni Husyas agud matupad ti manga sugu nakasurat sa ribru nakitan ni Hilkiyas ti manughandug sa Balay Diyus Panginuun.

1 Krunika 10:13

Namatay si Saul dahil balaw siya matinupadun sa Panginuun. Unman niya tinupad ti sugu Panginuun, ag nandangup waya ngani siya sa manga pandaniwan

2 Krunika 33:6

Isinagda niya sa panab-anan apuy kay manga anak sa Karatagan Bin Hinum. Binwat diman niya ti manga pagbuwatun manga manughula ag panhirian, ag nagpaingana siya sa manga pandaniwan magpakihampang sa karadwa manga namatay. Pinakadaut kay binwat niya ag nakapagalit inda sa Panginuun.

Kanta 106:28

Isinagda nida kanda sadili sa diyus-diyusan si Baal imaw ti ati sa Bantud Piyur ag nagkaun sida manga handug ihinandug sa manga namatay.

Isayas 19:3

Mabul-an pagsarig ti manga taga Ihiptu, ag guluhun niku kanda manga gayak. Mamaingana sida sa manga diyus-diyusan, sa karadwa manga namatay, sa manga panhirian ag manga pandaniwan.

Isayas 26:14

Tigbak yi sida taynguna, balaw yi mabuhi waya. Pinarusahan niyu sida ag minatay hampay malimtan sa balaw yi maimatun-an.

Isayas 29:4

Mawayak inda ag bumaliw ga mamaw magtawag ginan sa sirung daga kay busis madala.

Isayas 30:2

Nag-atag sida sa Ihiptu hampay manhagad panagang sa hari, unman yi nagpaingana sa kangku.

Isayas 45:11

Inda waya ti pagsabihun Panginuun, ti Banal pag Diyus Israil, ti naglalang sa kanya, “Magriklamu aw kamu sa kang manga pagbuwatun? Pagsuguun aw niyu aku sa manga dapat niku buwatun?

Isayas 47:12

Gamita kanmu manga salumangka hanggan manga pangiwaan, imaw kanmu pagbuwatun ginan waya sa kanmu pagkaanak. Barang manalu kawu, ngatay barang madala sa kanmu ti manga kalaban nimu.

Isayas 47:13

Pagbudlayun yi kawu sa mayamu nimu paraan. Pagpaawat kawu sa kanmu manga tawuhan mag-adal tungkul sa manga pamgasan hanggan manughula kada bulan tungkul sa magpangyari sa kanmu.

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Hirimyas 27:9

Nakan danga kamu magpaniwala sa kanyu manga purupita hanggan manga manughula, ag manga manugpaliwanag tungkul sa manga tagin-up, una sa manga panhirian ngatay manga tihulan magkumun balaw kamu sakupun hari Babilunya.

Libitiku 19:31

Danga kamu magdangup sa manga pandaniwan maghampang sa manga karadwa namatay, dahil nu buwatun niyu inda miminsan kamu sa mayagting. Aku ti Panginuun kanyu Diyus.

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Mikas 5:12

Dautun niku kanyu manga anting-anting ag madura kanyu manga panhirian.

Binwat 16:16

Pagka kami mag-atag maan sa rugar dararanginan, nasulang kami usa ka babayi suruguun inapuan labang manughula. Daka pag kuwarta ti pagtanggapun niya manga amu dahil sa kay maghula.

Diyuturunumiyu 18:10

Kailangan unman may una di usa sa kanyu ti magsunug kay anak bilang handug. Ag danga diman kamu maghula, magtultul kahulugan manga tanda, maghiri, magsalumangka, magbuwat manga buruwatun manga pandaniwan ngatay tihulan ag magpaingana sa karadwa manga namatay.

1 Tisalunika 1:9

Sida yi ngani ti mamarita nu kabitay kami kanyu tinanggap. Sida diman tigsabi pinatlikudan niyu ti pagsamba sa diyus-diyusan hampay magsirbi kamu sa tutuu Diyus buhi,

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

1 Samwil 28:11

Pagka sa uryan, magkun ti babayi, “Si unu pag karadwa kanmu gustu hampangun?” Sinabi ni Saul, “Tawaga nimu si Samwil.”

1 Samwil 28:16

Sinabi ni Samwil, “Hayga aku kanmu pagpaingan-un? Balaw aw duy binugyahan yi ngap ngani kawu Panginuun ag nagbaliw kalaban nimu siya?

1 Samwil 28:7

Bag-u magkun si Saul sa kay manga suruguun, “Hanapi niyu aku babayi pandaniwan ti mahimu niku mapaingan-an.” Sinmagut kay manga suruguun, “May imaw duy ati sa Indur.”

1 Samwil 28:8

Nakan nagpabalhinguun si Saul sa panab-anan pagsulung urdinaryu lang pag rutay. Pagka sa yabi, nag-ati siya sa babayi kaibahan kay duwa niya ka tawuhan. Igu rinmas-ug sida, magkun si Saul sa babayi, “Magkaibug aku manhampang sa karadwa usa ka tawu. Mahimu aw nimu tawagun ti sabihun niku pag tawu sa kanmu?”