Isayas 8:17 - Hanunuu

¹⁷ Magpaniwala aku sa Panginuun una waya pinatlikudan niya ti linahi ni Hakub. Sa kanya di aku pag magsarig.

Isayas 8:17 Iomraidhean Croise

Gimpuunan 49:18

Pagkatapus, magkun si Hakub, “Panginuun, mag-alagad duy aku sa kanmu pagribri.”

Hub 13:24

Hayga lugud mag-aman kawu sa kangku, ag pagbaliwun nimu aku kanmu kalaban?

Hub 14:14

Nu mamatay ti tawu mabuhi aw waya siya uman? Agwantahun niku ti tanan udas sa kang mag-agwanta tugka sa rumas-ug ti udas matapus inda.

Hub 35:14

Hub, lalu yi gid balaw niya patingihan kanmu hagad-awat, nu sumabi kawu kuntay unman nimu mag-akitan kay awat niya sa kanmu dinara kasaba sa kanya ag ipinaalagad lang niya kawu sa unman.

Kanta 130:5

Panginuun, mag-alagad gid aku sa kanmu. Ag magsarig aku sa kanmu manga bagaw.

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

Kanta 33:20

Mag-alagad kita may pagsarig sa Panginuun. Siya ti mag-awat ag magbaliwa sa kanta.

Kanta 37:34

Pagsarig kawu sa Panginuun ag sunda kay kagustuhan, ag pagdayawun niya kawu dahil parargu niya kawu patahanun sa daga Israil. Makitan nimu nu palayasun yi ti manga daut sa tunda pag daga.

Kanta 39:7

Ag kainda, Panginuun, unman yi aku may iba waya pag sarigan. Kang pagsarig asan sa kanmu.

Kanta 40:1

Nag-alagad aku may pag-agwanta sa Panginuun, ag pinatingihan niya kang maghagad awat.

Isayas 1:15

“Nu mandarangin kamu balaw niku kamu pansinun. Una paulit-ulit waya kamu mandarangin balaw niku kamu patingihan dahil mayamu kanyu minatay pag tawu.

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 26:8

Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 33:2

Panginuun, kaawai duy nimu kami. Pabisuga nimu kami sirang-sirang, ag ribrihan sa udas kakurian.

Isayas 45:15

Diyus ag Manugribri Israil, balaw nimu pag-ipakakit kanmu sadili.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 54:8

Dahil sa kadaka aku nagalit sa kanmu, tinayakan niku kawu ngalay, dapat dahil sa kang unman may katapusan pag pagmahal sa kanmu, kaawaan di niku kawu. Aku ti Panginuun kanyu Manugribri ti magsabi inda.

Isayas 57:17

Nangisug aku dahil sa kasalanan ag pagkamakasadili Israil, nakan pinarig-anan niku sida ag binugyahan. Dapat parargu di sida sa kanda kadautan.

Isayas 59:2

Kanyu manga kasalanan imaw ti nagpakarayu sa kanyu ginan sa Diyus ag imaw kay dahilan nakan kamu kay pinatlikudan ag dayi mamatingi sa kanyu manga darangin.

Isayas 64:4

Ginan kaybi hanggan taynguna unman may nakadnug ngatay nakakit sa Diyus parihu sa kanmu mag-awat sa manga magsarig sa kanya.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Hirimyas 33:5

suldun diman inda manga taga Babilunya. Mayamu ti mamatay sa inda pag banwa dahil wayakun niku inda sa kang masyadu pag pangagalit sa kanyu. Pagdayuun niku inda pag banwa dahil sa kay kadautan nida.

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Mikas 3:4

Sa udas parusahan kamu, manhagad kamu awat sa Panginuun, dapat balaw niya kamu awatan. Pabay-anan niya kamu dahil sa kanyu daut pag manga buwat.

Mikas 7:7

“Dapat aku sumarig di sa Panginuun niku Diyus. Mag-alagad aku sa kanya hampay iribri niya aku. Ag pihu patingihan niya kang darangin.”

Habakuk 2:3

Suratan dapu nimu inda dahil balaw waya magras-ug kay kaudasan mangyari inda. Dapat pihu gid mangyari inda udyi dumugay ag balaw pumalya. Nu dumugay waya alagda lang ngalay, dahil pihu gid mangyari inda sa kay kaudasan.

Lukas 2:38

Pagka ati katpung sa Balay Diyus sida ni Marya ni Husi, pinmakarani si Ana, nagpasalamat siya sa Diyus, bag-u nagtultul siya tungkul sa lapsag sa tanan tawu magpatigagad sa karibrihan Hirusalim.

Lukas 24:27

Bag-u ipinaliwanag ni Hisus sa kanda ti manga bagaw tungkul sa kanya sa tanan Banal Kasuratan ginan sa kan Muysis hanggan waya sa manga Purupita.

Diyuturunumiyu 32:20

Nagbagaw siya, “Patlikudan niku sida, ag bantayan niku nu hintay gid abi kanda patabgan, dahil daut sida pag sinulput-lahi, manga anak balaw matinupadun.

1 Tisalunika 1:10

ag hampay alagdun niyu kay Anak si Hisus ginan sa langit. Binuhi uman Diyus si Hisus ginan sa kamatayan. Siya diman ti rumibri sa kanta sa kay kaudasan sintinsiya Diyus aban.

2 Tisalunika 3:5

Kamu kang di pag-idarangin hampay giyahan di Panginuun atabug sa mas lalu waya daka pagmahal sa Diyus hanggan sa karig-unan sa kan Kiristu.

Hibriyu 2:13

Inda waya kay sinabi magkun, “Ilubus niku kang sarig sa Diyus.” Bag-u inda waya gid magkun, “Inda yi aku hanggan ti manga anak kay ipinakaun Diyus sa kangku.”

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.