Isayas 8:16 - Hanunuu

¹⁶ Kamu kang manga manugsunud, alagaan niyu ti manga adal niku.

Isayas 8:16 Iomraidhean Croise

2 Hari 11:12

Ipinalwang ni Hihuyada si Huas ti anak hari ag kinurunahan. Pinakan-an niya siya kupya hanggan manga surundanun tungkul sa pagdumara hari, ag ibinarita siya ti hari. Pinayidan siya lana ulibu bilang pagkilala siya ti hari. Pagkatapus nagpalakpakan ti manga tawu ag namaragritan, “Mabuhi ti hari!”

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Isayas 54:13

Aku ti manudlu sa kanmu manga nasakupan, ag bumaliw mayad kanda kahamtangan.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Danyil 12:4

Dapat Danyil, siraduha lang dap inda pag ribru ag danga dapu pagsabihan sa manga tawu inda pag barita tugka sa ud rumas-ug ti katapusan. Habang unman waya inda pag-itultul, mayamu ti manipag sa pag-intindi sa manga magpangyari.”

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Markus 10:10

Pagka sa balay yi maan, pinaingana si Hisus niya manga tuludluan tungkul tunda.

Markus 4:34

Kada magtudlu siya sa kanda pirmi paggamitun niya ti manga pahalimbawa. Dapat nu sa kay sadili tuludluan pag-ipaliwanag niya ti tanan manga bagay.

1 Kurintu 2:14

Ti tawu nu udwaya inulian Ispiritu Banal unman tumanggap manga katutuuhanan ginan sa Ispiritu Diyus, dahil unman ngap may kabuluhan tunda sa kanya. Unman diman magkauninawan niya dahil tunda pag manga katutuuhanan magkaintindihan lang ginan sa Ispiritu.

Diyuturunumiyu 4:45

manga tudlu, manga paalaala, manga surundanun, hanggan nu hintay kanda kailangan buwatun, katpung nagluwas sida sa Ihiptu

Hibriyu 3:5

Masarigan ngani si Muysis sa tanan niya buruwatun sa magtal-anakan Diyus dahil siya suruguun Diyus, hampay ipasandam niya ti manga katutuuhanan kay ipaburayhaw Diyus aban.

Ipinakakit 10:4

Pagka nagbagaw ti pitu ka linti sumurat yi mana aku, dapat may nasaydan aku usa ka magbagaw ginan sa langit magkun, “Danga nimu alamana ti sinabi pitu ka linti, danga nimu isurat tunda.”

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 2:17

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu pakan-an niku hinamnu pag karan-unun ginan sa langit. Pakan-an diman niku siya batu malagti imaw ti sinuratan bag-u niya pag ngaran. Unman may nakaalam tunda pag ngaran nu ud tunda lang waydi ti pinakan-an.”

Ipinakakit 5:1

Bag-u may nakitan aku sa sikun pag kamang Hari sa kay tukawan ti usa ka kasuratan malulunan may surat sa sulud hanggan sa luwas, siniradu pitu ka kula.

Ipinakakit 5:5

Bag-u nagsabi ti usa sa manga gurangun sa kangku magkun, “Danga duy maglumi. Ti Liyun sa lahi ni Huda, ti mamaski pag linahi ni Dabid imaw ti nanalu nakan siya ti makabukas kasuratan ag makabuul kay pitu ka kula.”