Isayas 8:13 - Hanunuu

¹³ Aku, ti Panginuun Makamaskihan, kailangan niyu kilalan-un banal. Aku ti dapat niyu kadalaan ag galangun.

Isayas 8:13 Iomraidhean Croise

Gimpuunan 31:53

Mana ti Diyus nimu laki ni Abraham hanggan ti Diyus niku ama ni Nahur, imaw diman ti Diyus nida ama ni Tira, imaw ti humusay sa kanta duwa.” Nansumpa diman si Hakub sa kan Laban sa ngaran Diyus paggalangun niya ama ni Isaak.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Pag-ighit 20:20

Nakan magkumun si Muysis sa manga tawu, “Danga kamu magkadala, dahil nagsitay ti Diyus hampay subukan kamu sa panab-anan niya kamaskihan agud madala kamu sa kanya sa pagbuwat kasalanan.”

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 5:16

Dapat ti Panginuun Makamaskihan dayawun sa kay magpihu. Sa panab-anan matadlung niya pagpihu, pag-ipakakit niya siya Banal pag Diyus.

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Libitiku 22:32

Danga niyu pagpakay-aha ti banal niku pag ngaran, ag kilalan-un niyu aku banal. Aku ti Panginuun ti nagtalaga sa kanyu para sa kangku,

Malakyas 2:5

Kang kasunduan sa kan Libi, tinaratuhan niku siya buhi ag kahusayan, basta galangun niya aku. Ag pag-igalang ngani niya aku.

Bilang 27:14

Dahil katpung naglaban ti manga Israilita sa kangku ati sa bulbugan pangawakawaan Sin, linabag niyu ni Aarun kang sugu sa pagpakakit niyu kang kadayawan sa kang nasakupan.” (Inda pag bulbugan imaw ti Miriba Kadis, sa pangawakawaan Sin.)

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Lukas 12:5

Dapat kang ipakilala sa kanyu nu sitapu ti kanyu kailangan pagkadalaan. Ti kanyu kadalaan ti Diyus gid. Dahil nu minatay niya ti usa ka tawu, may kapangyarihan siya hampay kay iyamut waya sa impirnu. Tutuu kang pagsabihun sa kanyu kailangan kamu pagkadala gid sa kanya.

Ruma 4:20

Unman siya nagtalinduwa sa kay taratu Diyus. Lalu ngap nagrig-un kay pagsarig ag dinayaw niya ti Diyus.

Diyuturunumiyu 14:23

Daraha niyu ti ikasampulu pag bahagi tirigu, irinmun ubas, lana ulibu, hanggan ti panganay niyu manga hayup sa piliun Panginuun niyu Diyus pag rugar nu naan pag dayawun siya. Bag-u ati niyu pag kan-a sa kay atubangan. Buwatun niyu inda hampay maanad kamu magsunud pirmi sa Panginuun niyu Diyus.

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

1 Samwil 11:7

Nagbuul siya duwa ka baka, kay iniyaw ag pinahat-pahat. Bag-u kay itinunghul sa manga manugbarita hampay darahun atag sa buu daga Israil. Sinabi niya sa kanda magkun, “Kaindaay kanyu sabihun, ‘Katunda ngani ti mangyari sa kay baka nu ti tawu balaw kumuyug sa kanda ni Saul ag ni Samwil atabug sa girahan.’ ” Pinadala gid Panginuun ti manga Israilita sa kan Saul, nakan kinmuyug ngani sida sa kanya.