Isayas 8:10 - Hanunuu

¹⁰ Una hintay ti paggayakun niyu laban sa kanmi balaw manalu, dahil kaibahan nimi ti Diyus.

Isayas 8:10 Iomraidhean Croise

Gimpuunan 21:22

Ati katpung pag panahun, inmati si Abimilik sa kan Abraham kaibahan kay takinan manga sundalu si Pikul. Magkun si Abimilik sa kan Abraham, “Pag-awatan ungud kawu Diyus sa tanan nimu pagbuwatun.

2 Samwil 15:31

May nagsabi sa kan Dabid kuntay si Ahitupil kinmuyug sa kan Absalum. Nakan nandarangin si Dabid, “Panginuun, buwata duy nimu unman may pulus kay patigayun ni Ahitupil.”

2 Samwil 17:23

Pagka naalaman ni Ahitupil balaw sinunud kay patigayun, sinmakay siya sa kay asnu ag nuli sa kanda banwa. Igu nakapatayak siya manga bilin sa kay magtal-anakan, nangugut siya. Ilinbung siya sa may kalubngan niya ama.

2 Samwil 17:4

Mayad diman bilang inda pagpatigayun para sa kan Absalum hanggan sa tanan manugpamahala Israil.

2 Hari 6:12

Magsabi ti usa niya ka takinan, “Unman gid una di usa sa kanmi, Mahal Hari. Si Ilisyu pag purupita ti magtultul sa hari Israil sa tanan pagbagawun nimu una waya kawu sa kanmu sulud-sulud.”

2 Krunika 13:12

Ti Diyus kaibahan nimi; siya ti takinan nimi. Patunugun niya manga manughandug ti manga budyung nida sa pagpanguna sa kanmi sa paglaban sa kanyu. Manga nasakupan Israil, danga kamu magsalumpang laban sa Panginuun, ti Diyus niyu manga ginurang, dahil balaw gid kamu manalu.”

Hub 5:12

Pag-ibuyu niya ti manga maradaya, hampay balaw sida manalu.

Kanta 21:12

Dahil mamalalagiwan sida nu makitan nida alistu yi kawu pumarusa sa kanda, ga paglangiun nimu ag pag-ipatuyang sa kanda kanmu pamana.

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:8

Abala, bantayi ti manga buwat Panginuun, ti makadululaw pag manga bagay kay binuwat sa kalibutan.

Kabagawan 21:30

Unman may kadunungan, pan-intindi ngatay patigayun ti pumarihu sa Panginuun.

Isayas 14:27

Si unu ti makauman sa gayak Panginuun Makamaskihan? Si unu ti makaampara sa kay magparusa?

Isayas 28:18

Bumaliw unman may pulus kanyu kasunduan sa kamatayan hanggan kanyu kinasunduan sa rugar manga namatay. Dahil midamhak kamu nu rumas-ug ti manga kadautan ga baha.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 8:8

Manras-ug sida sa Huda parihu sa baha kay danum mag-abwat tugka sa liug, maglapwas sa buu daga.” Dapat kaibahan nimi ti Diyus!

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 42:11

Danga yi kamu magkadala sa hari Babilunya dahil kaibahan niyu aku, iribri niku kamu sa manga kamang niya.

Hirimyas 46:28

Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Karukuan 3:37

Unman may manga bagay magpangyari nu unman kay pahintulutan Panginuun.

Huwil 3:9

Sabihun niyu sa manga nasyun, magkun: “Pag-alistu kamu sa paggira. Sabihi niyu kanyu manga sundalu hampay man-gira.

Hagay 1:13

Magkun si Hagay imaw ti manugbarita Panginuun sa manga taga Israilita, “Magkun ti Panginuun kaibahan niyu siya.”

Bilang 14:9

Danga lang kamu maglaban sa Panginuun. Ag danga kamu magkadala sa manga tawu taga ati dahil matalu di nita sida. Unman may mangawat sa kanda, dapat ti Panginuun ti mangawat sa kanta. Nakan danga kamu magkadala sa kanda.”

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

Ruma 8:31

Taynguna, nu isipun nita inda pag manga bagay, masabi nita magbaliwa sa kanta ti Diyus, ag dahil sitay, unman may manalu laban sa kanta.

Diyuturunumiyu 20:1

“Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.