Isayas 7:3 - Hanunuu

³ Magkun ti Panginuun sa kan Isayas, “Ibaha nimu kanmu anak si Siar Hasub ag sulanga niyu si Akas ati sa may katugkaan bululusan danum baliwa sa abwat pag rugar sa may tipunan danum, arani sa dalan atabug sa may piripian.

Isayas 7:3 Iomraidhean Croise

2 Hari 16:1

Naghari sa Huda si Akas kay anak ni Hutam katpung ika-17 pag timpu kay maghari ni Pika, anak ni Rimalya, sa Israil.

2 Hari 18:17

Dapat habang ati si Sinakirib sa Lakis, sinugu niya ti takinan niya manga kumandir, ti takinan manga may kangaranan, hanggan ti kumandir sundalu, kuntay pag-ati sa Hirusalim pagpasampak sa kan Hari Isikyas. Pagka ati yi sida sa luwas Hirusalim, nagpat-ung sida sa may arani bululusan danum sa babaw may pagtipunan danum, ati baliwa sa dalan atag sa may piripian.

2 Hari 20:20

Ti iba waya ka tultulanun tungkul sa maghari ni Isikyas, hanggan ti tanan niya bantug pag manga binuwat ag kay pagpabuwat tangki hanggan talisi atabug sa banwa, nisurat sa Ribru Tultulanun manga Hari Huda.

Nihimyas 3:16

Ti dinmasun sa kanya kay anak ni Asbuk si Nihimyas, takinan katunga distritu Bit Sur. Ipinatindug niya ti alad batu maatubangan sa lulubngan ni Dabid tugka sa may pagtipunan danum ag sa may kampu manga sundalu.

Pag-ighit 7:15

Nakan ataga nimu aldaw surip ti hari Ihiptu habang atabug siya sa Sapa Nilu. Daran-a kanmu sugkud nagbaliw ulay ag pasampak kawu sa kanya sa pangpang sapa.

Isayas 22:10

Binantayan niyu ti manga balay sa Hirusalim bag-u dinaut kay iba hampay gamitun kay manga batu sa paghiwat nadaut alad batu banwa.

Isayas 22:11

Namuwat kamu tipunan danum sa tab-anan duwa ka alad batu, bag-u pinunu niyu inda danum ginan sa daan tipunan. Dapat balaw niyu naisip ti Diyus ti may gayak inda kaybi di waya ag pinahintulutan niya inda mangyari.

Isayas 36:2

Katpung ati sa Lakis, si Sinikarib, sinugu niya kay kumandir kaibahan ti mayamu pag manga sundalu kuntay pag-ati sa Hirusalim pagtagasampaki sa kan Hari Isikyas. Pagka ati yi sa luwas banwa Hirusalim ti kumandir, nagpat-ung dapu siya hanggan ti manga sundalu sa may arani bululusan danum baliwa sa tungud pag rugar pagtipunan danum. Arani inda sa dalan atag sa piripian.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Hirimyas 22:1

Magkun sa kangku ti Panginuun, “Pag-atag kawu sa balay hari sa Huda sabiha nimu inda pag tultulanun:

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.