Isayas 7:24 - Hanunuu

²⁴ Mangidu ti manga tawu ati dara kanda manga bayi hanggan bangkaw dahil marikut yi ag punu tanum madugi.

Isayas 7:24 Iomraidhean Croise

Gimpuunan 27:3

Bul-a kanmu bangkaw ag pag-ati kawu sa katalunan, pangidu kawu para sa kangku.

Gimpuunan 3:18

Mantubu sa daga ti manga ilamnun hanggan ti manga halaman dugihan. Kanmu karan-unun ginan sa basad talun.

Isayas 55:13

Manubu yi ti manga puun sipris hanggan mirtu sa daan turubuan kaybi manga halaman madugi. Tunda pag manga nangyari makapakaun kadayawan sa kangku. Bumaliw puruyba inda niku kamaskihan hanggan aban.”

Isayas 7:19

Ag inda sida mangulian una naan baliwa: sa matukadun pag manga luung, sa manga lukib manga tunu, sa manga tanum madugi, ag sa manga pasturan.

Isayas 7:23

Sa ati diman pag udas, ti ubasan may 1,000 puun, kay halaga 1,000 pulud pilak bumaliw marikut ag mapnu tanum madugi.

Isayas 7:25

Udyi may mangatag sa tagudtud dati pagtanuman nida, dahil marikut yi ag napnu tanum madugi. Bumaliw wadi inda pasturan manga baka, hanggan karanidu ag kambing.

Isikil 12:20

Ipadamhak kanda manga banwa ag bumaliw mapung-aw inda. Bag-u maalaman nida aku ti Panginuun.”