Isayas 7:20 - Hanunuu

²⁰ Ati katpung pag sirang, gamitun Panginuun ti hari Asirya hampay wayakun lubus kanyu daga. Bumaliw siya ga manug-uguy ginan sa baliw dipay Sapa Iyupratis binayadan hampay kidkidun kanyu buhuk, hanggan bulbul, ag bungut.

Isayas 7:20 Iomraidhean Croise

Isayas 1:5

Manga taga Israil, hayga parargu kanyu maglaban? Magkaibug aw waya lugud kamu parusahan? Ga tawu kamu lunsay biyag kay ulu ag punu kakurian kay tagipusuun.

Isayas 10:15

Mahimu aw magpayabang ti wasay ngatay ti ragari sa maggamit sa kanya? Makabyaw aw pamakul ti may hiyaput sa kanya?

Isayas 11:15

Pamarahun Panginuun ti Dagat Ihiptu, ag pauypun niya ti mainit pag durus sa Sapa Iyupratis hampay bumaliw wadi pitu ka dariit pag bululusan danum mahimu madipay tawu.

Isayas 36:1

Katpung ika-14 yi pag timpu kay maghari ni Isikyas sa Huda, ginira ni hari Sinakirib taga Asirya ti harus tanan naaladan batu pag banwa sa Huda ag sinakup niya inda.

Isayas 8:7

ipagira niku sida sa hari Asirya hanggan sa kay manga sundalu ga sapa Iyupratis magbaha ag maglapwas sa kay manga pangpang.

Isayas 9:13

Dahil unman diman gid mag-ampu ti manga Israilita sa Panginuun Makamaskihan imaw ti nagparusa sa kanda,

Hirimyas 2:18

Taynguna, hintay ti nab-ul niyu sa kanyu nagpakarani sa Ihiptu hanggan sa Asirya? Hayga kamu nag-atag sa Sapa Nilu ag Sapa Iyupratis?

Isikil 29:18

“Anak tawu, ti manga sundalu ni Hari Nibukadnisar Babilunya nanlaban sa manga sundalu Tiru tugka sa nagkarakalbu sida ag nagkalalupgas kanda manga labay. Dapat unman gid may naagaw si Nibukadnisar hanggan kay manga sundalu sa manga taga Tiru.

Isikil 29:20

Ipakaun niku sa kanya ti Ihiptu bilang pirimyu niku sa kay pagsirbi, dahil binwat niya tunda hanggan niya manga sundalu para sa kangku. Aku, ti Panginuun Diyus, ti magsabi inda.