Isayas 7:2 - Hanunuu

² Pagka nabaritaan hari Huda kuntay magkarampihan ti Aram ag ti Israil, tinakigan siya sa dala hanggan kay manga nasakupan. Tinakigan sida ga puun kayu paghaluun durus.

Isayas 7:2 Iomraidhean Croise

2 Samwil 7:16

Pumarargu kanmu kaharian hanggan aban; kanmu linahi pumarargu humari sa unman may katapusan.’ ”

1 Hari 11:32

Dapat dahil sa kan Dabid sa kang suruguun hanggan sa banwa Hirusalim, kang pinili para sa tanan banwa sa Israil, tayakan niku kay usa ka lahi sa kan Sulumun.

1 Hari 12:16

Pagka naalaman manga Israilita kuntay unman sida pinatingihan hari, magkun sida sa hari, “Unman kami may labut sa kanmu, lahi ni Dabid, anak ni Isai! Bahala kawu sa kanmu kaharian! Abala yi kamu manga Israilita, muli yi kita!” Nakan nuli ngani ti manga Israilita.

1 Hari 13:2

Sinugu Panginuun kay suruguun hampay saadan tunda pag harandugan. Magkun siya, “Inda ti pagsabihun Panginuun tungkul sa tunda pag harandugan: May ilusad usa ka lapsag sa magtal-anakan ni Dabid kay ngaran Husyas. Matyun niya ag ihandug sa inda pag harandugan ti manga manughandug magsirbi sa simbahan sa abwat pag rugar hanggan maghandug sa inda pag harandugan. Masunug kanda manga but-ul sa inda pag harandugan.”

2 Krunika 25:10

Nakan pinauli ni Amasiyas ti manga sundalu taga Ipraim. Nuli sida magkagalit gid sa Huda.

2 Krunika 28:12

Kainda diman ti sinabi iba pag manga takinan Israil sa manga sundalu rinmas-ug ginan sa labanan. Ti manga takinan sida ni Asariyas kay anak ni Hihuhanan, Birikyas kay anak ni Misilimut, Hihiskiya kay anak ni Salum, ag Amasa kay anak ni Hadlay.

Kanta 11:1

Sa Panginuun aku pag magdangup. Nakan hayga magkumun kamu sa kangku, “Palagiw kawu tag sa kabantudan parihu sa manuk,

Kabagawan 28:1

Ti daut pag tawu magpalagiw una unman may maglagas sa kanya, dapat ti matadlung pag tawu maisug parihu sa liyun.

Isayas 11:13

Madura yi ti inggit Israil sa Huda ag ti galit Huda sa Israil.

Isayas 22:22

Iayaw niku sa kanya ti susi sa kaharian ni Dabid. Nu bukasan niya ti sabian, balaw may makasiradu, nu kay talakpan unman may makabukas.

Isayas 37:27

Ti winayak nimu pag manga nasakupan manga banwa naduraan kabisugan. Nadala sida ag nangay-a. Bilang sida manga ilamnun sa kapadangan madali magkarubay, ngatay manga ilamnun magtubu sa atup balay igu tinmubu narubay diman rargu.

Isayas 37:35

Alagaan ag iribri niku inda pag banwa para sa kadayawan niku ag dahil sa taratu niku sa kan Dabid sa kang manugsirbi.”

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Isayas 7:13

Magkun si Isayas: Pagpatingi kamu manga linahi ni Dabid. Udwaya aw lugud kang-ud kanyu mag-alukayu sa manga tawu? Taynguna, kang Diyus aw maan ti kanyu pag-alukayuhun?

Isayas 7:17

Dapat rumas-ug ti sirang kawu ag kanmu manga nasakupan, hanggan kanmu magtal-anakan, ipagira Panginuun sa hari Asirya. Malakawan niyu ti kakurian udwaya niyu nalakawan ginan sa napablag ti Israil sa Huda.

Isayas 7:5

Maggayak sida daut laban sa kanmu. Nagkarausa sida ag magkun,

Isayas 8:12

Magkun diman siya, “Danga kamu magkadala sa gayak iba manga tawu. Danga kamu magkadala sa pagkadalaan nida, ag danga diman kamu kulbaan.

Isayas 9:9

Ag alam inda tanan tawu sa Israil, hanggan sa Samarya imaw ti takinan banwa. Dapat magpalabaw-labaw diman sida ag magpayabang magkun,

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Matiyu 2:3

Pagka nadnugan inda ni Hari Hirudis, naaburidu siya hanggan ti buu Hirusalim.