Isayas 66:3 - Hanunuu

³ Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Isayas 66:3 Iomraidhean Croise

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Isayas 44:19

Unman may makabaya magsabi, “Ipinagba niku ti iba ka manga kayu, bag-u nantama aku karan-unun hanggan nansugba taguban siyun sa kay baga, bag-u kang kinaun. Taynguna buwatun aw niku mayagting pag bagay ti nasawad pag kayu? Sambahun aw niku ti usa ka pulud kayu?”

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 57:17

Nangisug aku dahil sa kasalanan ag pagkamakasadili Israil, nakan pinarig-anan niku sida ag binugyahan. Dapat parargu di sida sa kanda kadautan.

Isayas 65:12

Nakan iinalistu niku sa kanyu tanan ti kapaladun mamatay. Dahil pagka nagtawag aku, balaw kamu nagsagut; katpung nagbagaw aku balaw kamu namatingi. Nagbuwat kamu daut sa kang atubangan; nu naan kang pagbugyahan imaw ngap kanyu pagbuwatun.

Isayas 65:2

“Magpakaalagad aku sa kang manga nasakupan maganit kay ulu ag unman magsunud sa mayad pag-ugali. Kanda pagsundun kanda lang sadili naisipan.

Isayas 66:17

Magkun ti Panginuun, “Mirinsan mamatay ti tanan magpakabanal ag maglumpiyu kay sadili sa magsamba sa kanda manga diyus-diyusan sa halamanan. Mamatay sida magkaun babuy hanggan angbu, ag tuhay waya pag manga pagbugyahan pag karan-unun.

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Libitiku 2:2

Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun.

Hagay 2:14

Sinabi ni Hagay, ‘Katunda diman kaybi ti nasyun Israil sa atubangan niku, magkun ti Panginuun. Kaybi una hintay kanda pag buwatun ag pag-isagda, mauring gid sa magbantay Panginuun.’

Diyuturunumiyu 14:8

Danga diman kamu magkaun babuy, dahil una buka kay kuku balaw diman magtimtima utru kay kinaun. Danga kamu magkaun inda pag manga hayup ngatay mag-igpil sa kanda namatay pag bilug.

Diyuturunumiyu 23:18

Danga gid niyu pagdaraha sa Balay Panginuun niyu Diyus ti natanggap niyu pag kuwarta ginan sa tunda pag paraan hampay ibayad sa kanyu taratu sa Panginuun niyu Diyus, dahil pagkadat-an gid niya tunda.

Talaghusay 10:14

Hayga balaw kamu maghagad awat sa manga diyus kanyu pinili sambahun? Sida ti paribrihan sa kanyu sa udas magkakurian kamu.”

Talaghusay 21:25

Sa tunda pag udas, unman may hari ti Israil, nakan makapagustu lang ti kada usa nu unu kanda gustu buwatun.

Talaghusay 5:8

Pagka nansamba ti manga Israilita sa manga bag-u diyus, rinmas-ug sa kanda ti gira. Dapat sa 40,000 Israilita unman una di usa ti may imaw panangga ngatay bangkaw.