Isayas 66:1 - Hanunuu

¹ Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Isayas 66:1 Iomraidhean Croise

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

1 Krunika 28:2

Pagka nagkatipun yi sida, nagtindug si Dabid ag magkun, “Patingihi niyu aku, manga patar-ari ag nasakupan niku. Gustu gid niku pumatindug Balay Diyus para paulian Kaban Kasunduan Panginuun kanta Diyus, para may tarat-an kay lulud. Ag nakagayak yi aku sa pagpatindug inda.

2 Krunika 2:5

“Pinakadaka gid pag Balay Diyus ti ipatindug niku, dahil makamaskihan kanmi Diyus kaysa iba pag manga diyus.

2 Krunika 6:18

“Dapat makaulian gid aw ngani duy kawu, Diyus, sitay sa kalibutan kaibahan manga tawu? Unman ngani kawu magkang-ud una sa pinakaabwat pag langit, sitay aw waya nguna sa ipinatindug niku pag Balay Diyus?

Kanta 11:4

Ti Panginuun ati sa kay banal pag Balay; ati sa langit sa kay tukawan hari. Pagbantayan niya ag pag-usisaun ti tanan tawu.

Kanta 132:7

Bag-u magkun kami, “Atag kita sa Balay Panginuun, mansamba sa atubangan niya tukawan.”

Kanta 99:9

Dayawa ti Panginuun kanta Diyus. Sambaha siya sa kay banal pag Bantud, dahil banal ti Panginuun kanta Diyus.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 60:13

Ti kayamanan Libanun mapasa-kanmu — kanda manga puun kayu pinu, manga inibru hanggan sipris, hampay maparinu ti Balay Diyus kang pag-ulian.

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Matiyu 12:6

Pagsabihun niku sa kanyu may lalu waya mahalaga man sitay balaw lang ga Balay Diyus.

Matiyu 24:2

Dapat magkun siya, “Makitan aw niyu ti pinangalap tunda? Ungud duy kang pagsabihun sa kanyu, nu rumas-ug ti kaudasan, unman may masawad batu sa kay kaparihu babaw batu, tanan-tanan magkarapugdak yi lang.”

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.